Ingush-Empire

хозал саралц, дикал валалц!
Барт боаца дезал- деха д1адаха ц1а.

Гаьнарча вешел юхера лоалахо тол.

Говрах лата ца вихьар нуврах лийтав.

Дика во1-хьалъетта г1ала, во во1-качбена бала.

Г1алг1ай эздел леладу саг моллаг1ча наха юкъе тайнав.

Даьла сабаре вале а,кхел ца еш х1ама дуташ вац.
Эсала къонахe сесага майра хул.

Сага дикал-вол цун ц1аг1ара йоаг1а.

__________________
www.ingush-studio.com

kahto

Сих ма ло маттаца,сихло г1улкхаца.

Муьхха а некъ шинна самукъне бу.

1иллинчу барзал лелла цхьогал тоьлла.

Аьхка 1иллинарг 1ай идда.

Юьстах махкара дика доттаг1 йоьг1на г1ала санна ву.

kahto

Дика к1ант-кема,вон к1ант гема.

Дика сте -моз,вон сте борз.

Палс маббу хеца ког.

Нехан говр ирхе дика йоккху.

IntuitioN

Г1АЛГ1АЙ КИЦАШ
Барт боаца дезал- деха д1адаха ц1а.

Гаьнарча вешел юхера лоалахо тол.

Говрах лата ца вихьар нуврах лийтав.

Дика во1-хьалъетта г1ала, во во1-качбена бала.

Г1алг1ай эздел леладу саг моллаг1ча наха юкъе тайнав.

Даьла сабаре вале а,кхел ца еш х1ама дуташ вац.
Яхь-ц1енача дегара, хьаг1- б1ехача дегара.

Мехка ираз доацаш сага ираз хила ийш яц .

къамала-к1езигаг1а, балха -дукхаг1а.

Вижа уллачоа хьалт1амаш бага лелхаргьяц. :-)

Г1ажах 1аха енна боабашк яь чу яхай.

Г1айг1ано г1айг1а т1аяхь: дикачо дика дахь.

Г1алат даларца мара саг тоалац.

Г1алат доацаш воша а короргвац.

Г1алг1ачунгара эздел доаккхалургдац.

Г1алме ловзаву, Фартас лувчаву, 1арамхево вожаву, Тирко 1охьу, Эсо х1алакву.

Г1анашта юкъе а хул дикаг1а (хозаг1а) дола г1а.

Г1араг1ура к1оригаш а йиа, цогало яьхад: “Вай доттаг1ий долаш фу бе я уж ейнараш, хьа к1оригаш е са к1оригаш яр аьнна”.

Г1ийлача мехкарий оасар кадай хул, берстача мехкарий – мекъа хул.

Г1овтал лелаечунга со йодац, чокхе дувхачо со йигац.

Г1ойсета болар сетта хул.

Г1омара т1а г1ала оттаяьяц.

Г1омарал а кхерийл а безаг1а ба 1овдалча сага корта.

Г1ув б1еха хилча, хьогал йовргъянц; дог 1аьржа хилча, 1имерза хургьяц.

Г1ув ч1оаг1а беттачу къу кховдац.

Г1улакх геттар телхалга мара ха дезац, 1овдала саг хьеха эттача.

Г1улакхах мара хац йо1 мел дика я.

Г1улакх – з1амаг1чунгара, чет – воккхаг1чунгара.

Г1улакх тоаденнад аьнна, корта кура ма кхаба, телхад аьле, 1о а ма олла.

Г1алг1ай мотт хьона хой, моллаг1ча наха юкъе товргва хьо.=)))))

Дукха хехкабеннача кхерий т1а 1ов лемаяц.

Дукха хи т1а кхихьа кхаба хи йисте йисай.

Дукха хьаьший ихача новкъа буц яьннаяц.

Дукха хьийна маьчи кога аттаг1а хул.

Дукха 1ехаш хинна вир, е1ача сецай.

Дукха 1ийха борг1ал цогало йихьай.

Дукха 1ийхача циско дахка лаьцабац. Дукха 1ийхача ж1але пхьагал лаьцаяц.

Дукха 1охайна ваг1ачун хаче эйла зарзаяьннай.

Дукха-м хьунаг1а хьакхарч а я, сигала къайгаш а я.

Дукъан дозал истара хов.

Дулх дика – дилла а дика.

Дулхах даь н1аний тухо дошаду, тухах даь н1аний безамо дощаду.

Дулхах хьадж яьккхари ахчан ч1арханга ладувг1ари ца1 да.

Думега хьал ца кхаьчча циско: ”Марха да ший”, - аьннад.

Дуне – балий ц1а да, хьона ваха ца хойяь.

Дуне довзащ лийначо ц1аг1а ваьг1ар 1ехаваьв.

Дуне дуаш вац, ялат дуаш веце.

Дуне хозду малхо, саг хозву хьаькъало (г1улакх-эздело).

Дунен моаршал итт даькъах латт, царех ийс дакъа – ший мот шийга кхаба хар да.

Дуненна хеза ц1и йицлургъяц.

”Дунен чу вахаш, ер корта чагарга хилча, венначул т1ехьаг1а ер дошо а хилча, адамийчоа тара маца хургба ер?”, - яьхад чагарта корта болчо.

Дуненах чам бох киса даьсса хилча.

Ды белча, дирст юс; саг велча, ц1и юс.

Ды долаш хьо вале, 1а харцдаьр а наха тоаду; доацаш вале, даь дика а толхаду.

Ды массаз къувкъа делхац дог1а.

Дын наькъаца бовз, к1ант аренца вовз.

Ды хехкачо цогал лаьцад, г1аш лелачо пхьид лаьцад.

Дын дикал г1елбелча (эттача) мара ховргдац.

Дын т1а хайча, шод еза; ворда т1а хайча, саьрг беза.

Д1а ца дийнар оардаш хиннадац.

Д1аалар – хьа декхар да; т1аэцар ца эцар – вокхан г1улакх да.

Д1ааьннар – дото, чудисар – дошо дале а, ала дезача аьннар дошо да.

Д1ааьннар кхо да волаш хул, д1а ца олаш дитар цхьа да волаш хул.

Д1ааьнначох ца кхетар тохарах, 1оттарах кхетаргвац.

Д1аводаш зем баьр атта юхавенав.

Д1аводаш 1а тоабаь никъ юхавог1аш накъабаьннаб.

Д1адахарга хьежжа мара хьат1а а даг1ац.

Д1адаьннар кердадаьккха дувцарах бала совбалар мара х1ама дац.

Д1адилар накъадаьннад, дехкар дайнад.

Д1адилари къайладихьари хьай да хьа.

Д1адийнар т1едаланза дисадац.

Д1аийначунца хьаийнаб.

Д1айхача аьхки ца менна шовда сенна деза? Ше кхийнача хана ца биаь безам хьанна беза?

Д1атекхаечоа мара т1ехьайодац ворда.

”Д1атоха!” аьнначун бат я хьалхаг1а йохо езар.

Д1атоха вахар хьакхийтта венав.

Д1атохалехьа ха деза юхатохоргйолга.

Д1аяьнна гаргало а дагайох, бочача метте хий дахача.

Д1аьхача хабарал худар тол. Д1аьхача хабарал лоаца муш (охк) тол.

Дог доаге а безам тол.

Дог доацача 1атто ц1ог доаца 1аса даьд.

Дог 1аьржа долчун сим батт1.

Дог 1аьржа долча саго яьхад: ”Наьха мордз 1одаха а царна халахийтта хоза хет-кха!”

Дог 1аьржа сага юхь 1аьржлойла, гаьннара из воззаргволаш.

Дог1а ца дийлхача, хотта балац; йиш ца лекхача, халха валац.

Дог1ах веддар кхуркхолга к1ала ийккхав.

Доккха г1алат да наьха г1алаташ лехар.

Доккха йиша-воша – лаьттах баха к1ооарга овла.

Доккхаг1а дола рузкъа да наха хьо сийдеш вале.

Доккхача хабарал з1амига г1улакх тол.

Долашехьа ”дац” аьннар шайт1ага кхоач.

Доттаг1а вац, тешаме воацар.

Доттаг1ах вала атта да, доттаг1а лаха хала да.

Доттаг1ачоа хайта дог вешийна хайтадац.

Дош алалехьа кхозза из бага корчаде деза.

Дош аьнначун да, хьалхаг1а аьннар бакъа а волаш.

Дош дала сих ма ле, сихле из кхоачашде.

Дош дешо юхадерзо, пхо берзац юха.

Дош дешо юхатох, гердз гердзо юхатох.

Дошо мелла 1аьрждарах 1аьржлургдац.

Дошои дотои дохкаш-эцаш да, г1улакх-эздел е дохкаш а е эцаш а дац.

Дошол дикаг1а ба ц1ага1ара тоам (барт).

Дошох саг визавац, сискалах визав.

Дувхарга хьежжа маг1аваккха, хьаькъаалга хьежжа эг1аваккха.

Дувцар пайданна дац, из кхоачашде йиш еце; хар пайданна дац, х1ама хьадеш деце.

Дукха бераш ц1аг1а хилча, базар я: бераш доаца ц1а – даьсса каша да.

Дукха вахар – нах дика бовзар.

Дукха ваьг1ача хьаьшагара г1алат даьннад.

Дукха ваьхачунга ма хатта, дукха дайначунга хатта.

Дукха дезаро к1езига дезийтад.

Дукха деха 1ема кулг цадаларо маро соцадаьдац.

Дукха диача, модз а къахьлу.

Дукха дийца бакъдар харцахьа даьннад.

Дукха курвувлар (сеттар…) наха то11авий ший г1анда т1а 1охоаву.

Дукха лаьтта худар мистаденнад, дукха дийца х1ама дайденнад.

Дукха лер – г1алат валар.

Дукха лоаттабаь ды т1аьнашха хиннаб.

Дукха ловзаяьха топ харцахьа ийккхай.

Дукха лувча метто лергаш къордаьд.

Дукха лувш а велаш а вола къонах зудала хет.

Дукха лувш вола саг ж1алена тараверз.

Дукха лувш волчоа – й1айха коартол бага чу.

Дукха мехкарий хиннача наьна т1ехка чура т1ум 1аьржа хиннай.

Дукха тийшачох т1еххьара а тийшаболх хул.

Дукха уха хьаьша к1ордаваьв, наггахьа мара ца воаг1ар вийзав.

Дар дайначо яьхад: ”Ширткъа д1а а хийце, мел1а ловзае вай”.

Дарбашка даьнна дег1 пайданна доацача даьннад.

Дардайначо даьр дийцад, воча т1ехьено дай бийцаб.

Дарег1а йохкача х1аманга кхозза хьажа.

Дас аьннар де ца тига уст даь яь чу бахаб.

Дас во1 вахалва яьхад, во1о да лалва яьхад.

Дас д1айийнача гаьнех во1а сомаш хиннаб.

Дас хестаяь говра хьалха яьннаяц.

Дахкана – бала, цискана – ловзар.

Дахко хий техача, форд а болабеннаб.

Дахча кхатуллаш ца хилча, ц1и йов; лелаеш ца хилча, гаргало а йов.

Дахчан вале а, да тол; б1ег1инга яле а, нана тол.

Даь дагара воаца хьаьша 1ай пхьег1а т1а ваьннав.

Даь дика мекъа вир санна дода, даь во – масса ды санна хехка дода.

Даь доахан – ви1ий фос.

Даь-сесага дега т1а башаргбоаца ша улл.

Даь сесага корта къемата дийнахьа хьайро йохьаргба.

Да велча, дег т1ара цхьа зиза 1одож; нана елча, дег т1ара ши зиза 1одож.

Да воацача дезала дай дукха хиннаб, пайда к1езига хиннаб.

Да дика – дезал дика.

Да ловзаваьлча – кха ловзадоал, кха ловзадаьлча, 1у ловзавоал, 1у ловзаваьлча, пхьу ловзабоал.

Да маькара, - дезал маькара.

Да ца вийлхача дакъах нах бийлхабац.

Даа пхьор доацача бус дулх-хьалт1ам нийсаденнад.

Даа хала дале а, худар д1айха хила деза.

Даар – дег1ан кхача, наб – сина кхача.

Дагадоаллар диста лелх.

Даггара бийлхача б1аргах ц1ий даьннад.

Дагара аьнна дош Башлам-керте а кхаьчад (шахьара а хезад).

Дагаро ца боатт1абаь хи дахчан загало боат1абаьб.

Дайна сий меттаденадац.

Дакъа менге к1ала а диле, хьаьшана г1улакх де.

Дакъа – нийса, хьинар – т1ехь.

”Далла аьннар хургда”, - яхаш ваг1арах пайда хургбац, гош хьоадеш веце.

Далла аьнначоа раьза хила веза, Даьла раьза хургвола х1ама а де деза.

Дала дезача денна сом толашаг1а да дала ца дезача деннача тумал.

Дала ца дезача денна саг1а – хила баха кхера.

Даллаи паччахьаи дезалда вай: паччахьа везачун вахар дика хургда, даллана везачун валар дика хургда (ялсамала г1оргва).

Далла ше малейкийла везаг1а лаьрх1а хиннав Адам-пайхамар, цудухьа адамал дезаг1а х1ама а дац.

Да-нана ца лоарх1аш лийна саг ялсамала чувитавац.

Данза даргдоаца х1ама сихаг1а д1адоладе; ала дезача дош ала.

Дар дайна лела саг наха кхераме ва.

Даь хьехамашка ладийг1ар атта г1алата варгвац.

Даьй сий дечо ший сий хьалдоаккх.

Даь-йиша – тух, наьна-йиша – модз.

Даькъазачоа даь-ц1аг1ара а енай энгар.

Даькъазчунга маьчеш хилча, пезгаш хилац, пезгаш хилча, маьчеш хилац.

Даьла къайле сага ха йиш яц.

Даьла сабаре вале а, кхел ца еш х1ама дуташ вац.

Даьна тайча, - ворда етта декъий.

Даь-наьнага хьежжа хул т1ехьа т1айоаг1а т1ехье.

Даь-нана г1озали доакъазали т1ехьенах йоал.

Даьнеи наннеи доккхаг1а дола совг1ат да яхь йола во1 кхийча, эхь долу йо1 кхийча.

Даьр доаде дика саг везац, доацар т1ада дика саг вез.

Даьре хабар дувцачох пайда баргбац (лорале).

Даьсса гали уралаттац.

Даьссача хабарал дикъа худар тол.

Даьтта ца хьекхача, чарх кхестаяц.

Даьттала 1ема 1аг мистача берх1ала 1еттача, баьтт1аб.

Даьттаца-ма вирнахча а юаеннай.

Даьттеи хийи мелла цхьана кхехкадарах в1ашаг1ийнадац.

Даьца, наьнаца во волчун т1ехье а хургъя къиза.

Даь-ц1аг1а ца товр, маьр-ц1аг1а товргъяц.

Де ца дезар даьчоа да ца дезар денад.

Дег т1ара вежар дегаза воал.

Дег1 боча даккха а мегаргдац, х1ичий даккха а мегаргдац.

Дег1ар хургда, яхаш ваьг1ачун кхай т1а йоарх1аш яьннай.

Дег1 – пилалла, хьаькъал – хьазалгалла.

Дег1ага хьежача, - буг1а, дегага хьежача – жий.

”Дег1ар хургда” яхарах а де1ар хургда, 1а маьже хьоайой.

Дег1аца низ болаш вар цхьаннех котвоал, хьаькъал долаш вар иттанех котвоал.

Дег1-кеп йолаш вар аьнна пайда бац, хьаькъал долаш веце.

Дежа даьтта санна хила еза йо1.

Дезал во кхийча, наьна юхь т1а буж, даь моса т1а а буж.

Дезал дика – беркат дукха.

Дезал кхийча, сесаг майрайоал.

Дезала вийзар Даллана а вийзав.

Дезала даь корта к1айбеннаб дезал кхийча.

Дезала доккхаг1а дола рузкъа – барт хилар.

Дезала ираз-беркат барт-безамах доал.

Дезала ца вийзар наха вийзавац.

Дезарах ватт1ар хиннад.

Декхар доалла саг парг1ата хургвац, декхар д1адаллалца.

Декхар к1ира т1ехьадаьлча, бетта т1ехьадоал, бетта т1ехаьдаьлча, шера т1ехьадоал.

Декхара да вайнавац.

Декхарийна т1ехьа харцо йоаг1а, харцонна т1ехьа доакъазал йоаг1а.

Декъа дахча а лоталац ц1и т1а ца йихьача.

Декъанца моастаг1ал леладе мегаргдац.

Делаш д1адахар делхаш юхаденад; делхаш д1адахар делаш юхаденад.

Делкъал т1ехьаг1а ди дац, 1ай хьежар малх бац, саг йоалаяь к1ант дош дац.

Денал дола саг къахетамег1а ва, зовза саг къизаг1а ва.

Денал – са ч1оаг1а хилар.

Денал – тешамег1а вола доттаг1а.

Деналои майролои къанахчун сий доаккх.

Деннар къег1а хиннавац, дийхар в1аьхег1а хиннавац.

Денача диканна хам беш хила, денача вонна сатохаш хила.

Денача хана – нускал, эттача хана – 1у.

Деррига Даланна мара ха йиш яц.

Дехар – лай, деннар – аьла.

Дехкеваьннав моастаг1а эсала хийттар.

Дехкеваргвола дош ма ала, дехкеваргвола х1ама ма де.

Дехкеваргвола х1ама хьахилале лораде деза.

Деш волчун – 1айнад, ца дечун – дайнад.

Дешар – хьаькъал ирдеш бола ков ба.

Дешара ма1ан хьаькъал да, хьаькъала ма1ан сабар да, сабара ма1ан ялсамалан д1оаг1а да.

Дешах даьре (дошо) хуларе къе нах хургбацар.

Дешо дош доаккх.

Дешан да хиллал хьай ди деце, дош ма ле.

Дешар – заман къулба (тур).

Ди астаг1а хилча, баьре а астаг1а хет.

Ди чурабаьккха бигар х1ама дац, д1а-хьа дувцар фуд ховчо бигабале.

Ди вира таралеста хийла моттигаш я.

Ди дийкха дар, аьнна, кхоллар доацаш ма г1о; виза вар, аьнна, кхача боацаш ма г1о.

Ди шийбар дикаг1а хет, сесаг наьхаяр дикаг1а хет.

Дийна воллашехьа веннар ва наха юкъе сий дайнар.

Дийнахьа бага а сеге, е гаргалол.

Дийлха даьлча, дог1а соцаргда; б1арг бийлха баьлча бокъалургба.

Дика а во а в1аший т1ехьадаьнна лел.

Дика а во а ц1аг1ара доаг1а.

Дика болат мукх дуаш хилац, дика саг вицлуш хилац.

Дика болх ба б1ехала дохьаж довзача а аькх ухачун ц1и йовзача а.

Дика-вонга хьо оттарга хьежжа хьога а нах оттаргба.

Дика вонца хувцалу, во диканца хувцалу.

Дика во1 – хьалъетта г1ала, во во1 – качбенна бала.

Дика дагалацар а маьл ба.

Дика даьчоа – дика де, техачоа – тоха, 1еттачоа – 1отта.

Дика даьчоа – дика шийна; во даьчоа – во шийна.

Дика дин йорг1ах бовз, эзди саг г1улакхах вовз.

Дика доттаг1а воча вешел тол.

Дика ди д1аберзабаьча бода, дика сесаг мара аьннача йода.

Дика йо1 юртара араялийтац.

Дика къонахий хила г1ийртараш нохара т1аьнаш бе доахкадаьчар д1абийхкаб.

Дика лоалахо – тешам, во лоалахо – эшам.

Дика малав, аьлча, сона дикавар – дика ва, яхад.

Дика сесаг – боахам, во сесаг – бохам.

Дика сесаг – дунен чу ялсамале я; во сесаг – дунен чу жожаг1ате я.

Дика т1ехье кхеяьчун 1оажал мерза хиннай.

Дика хилар – саг хилар.

Дика хьаким – мохк, во хьаким – дохк.

Дика яьккха нийсахо – лар т1а ена юхь1аьржо.

Дика 1унал даьча 1аждакха т1а а 1ажа латаш хул.

Дикадар дечо ше къонах хиларах ду, водар дечо ше эсала йовсар хиларх ду.

Дикан т1а д1авехе, хьай йиш еце, ца вахача а х1ама дац; вон т1а хьо вехе, хьай йиш еце а ца водаш 1е йиш яц.

Дикачу баьречо зунгат хьовзала йоацача ди хьовзабу.

Дикача говро дика баьре лехав, хьаькъал долча йо1о дика ц1енда лехав.

Дикача г1улакхо лаьх аьла ваьа, воча оамало аьлах лай ваьв.

Дикача дина ший баьри т1ахарах вовз.

Дикача дино шийна шод еттийтац.

Дикача дина да коравергва, дикача сага доттаг1а а горавергва.

Дикача коа дика ж1али хилар теннад, во т1ехье хучул.

Дикача кхало дика бакъ ю.

Дикачу къонахчун хам баь варгвац.

Дикача къонахчох алар ийшадац, лакхача хена мух ийшабац.

Дикача нахах веттавеннар дика хул, воча нахах веттавеннар ж1але оамалаш йохкаш хул.

Дикача (везача) новкъоста водар хилча, хьона во хилар да из.

Дикача сагах беркат доал, воча сагах зулам доал.

Дикача сагах бийтта оаг1ув байнабац, вочох бийттар чкъормабаьннаб.

Дикача сагах – дика т1ехьале.

Дикача сесагал дикаг1а х1ама дац, воча сесагал вог1а х1ама дац, дика-во ца1 ца хилча а варгвац.

Дикача сесаго эсалча маьра сий хьалдаьккхад.

Дикача т1ехьено дог деладу, воча т1ехьено дог делхаду.

Дикача хьехамал дикаг1а саг1а дац.

Дикача цхьан къонахчо хьалйоаккхаш хул эсалча наьха ц1и.

Дикача ц1еннанна 1атто шура дукхаг1а лу.

Дикача фусамнанна пхьор а дика чам болаш хул.

Дикачох 1еха а ма ле, вонах велха а ма велха.

Дилло воагаваьчо хиха ”фуф” яьхад.

Динза даргдоацар даь валлалца сатец.

Диссалца ца диа даар – даар дац.

Дича дехке варгвола х1ама ма де.

Доаг1а мотташ во а даг1ац, дика а даг1ац.

Доал доацача боахамах наьха рузкъа хиннад.

Доал доацаш кхийна дезал – йосара даьнна ж1алеш.

”Доалда боаг мотт сона”, яьхад хьаьшас.

Доастама ва йоахарашка ваьнна къонах.

Доастама ва ший доаца ди эгадеш вола саг.

Доахан делча, т1ехкаш юс; саг велча, г1улакхаш дус.

Доахан долча ц1аг1а хьоанал ийшаяц.

Доацар д1а а аьле, дар хьаоалийт.

Доацар массаза а ийшад, деррига долаш а хиннадац.

Доацар паччахьа а ийшад.

Доацачунгара дийхадац, долчунгара мара.

Доацаш хиларах долаш хилар дикаг1а да.

Дов гаьна доал.

Дов довно мара юхатехадац.

Дов хье атта да, дов дужаде хала да.

Довнах кхийрар ведача а ваьннавац.

Довнаш леладаь да хабара говза хул, вонаш иха нана елхара говза хул.

Довнаш лехача саго дезал кхебаьбац.

Довнашка вувлача даь фу лоаца хиннад.

Довхой дукха хургба хьа, наьха г1алаташ 1а дувце.

Дов-ч1ир йоацаш г1оазот хиннаадац.

Дов-шов лехачоа валар корадаьд.

Дов-шов ца дезачо йиша-вошал ч1оаг1даьд.


Шайт1ана на1алт массаза оал дарст из.

Шайт1а 1ехадаьр шайт1а к1ориг я.

Шайт1о аьннад, йоах: ”Далла лорадолда со адама шайт1аех!”.

Шайхала вала веннар шайт1ала ваьннав.

Ше ваь, хьалкхийна мохк малхала б1айхаг1а ба.


Ше даь дика доадар да из т1ехьадетташ хилар.

Шалта г1улакх доацаш бетта чура ма яьккха, яьккхача, ма 1отта.

Шалта дика я бетта чу йоаллаш.

Шалта иръяьчо валар дихьад, лаьтта аьхачо балаш йиай.

Ше баьккха лоам боккха хет.

Ше везачо аьннар д1а ца эцар харцахьа варгва.

Ше де воаллар дувцаш хилча, ше дергдолчох воал.

Ше малав ховш вола саг х1алакахургвац.

Ше харца волча х1аманна саг к1ала отта веза.

Ше хьоалчаг1а вийхача, даькъазачо аьннад: ”Яь т1а хоаве вех со”.

Шелалца лета лазар сица мара къаьстадац.

Ши ког б1айхаг1а лелабаьр унах ц1енаг1а хургва.

Ши ког г1ортолла мара деце а, ший лаьтта бочаг1а да.

Ши кхакха к1ала билла, ца1 т1абиллар висав; ца1 к1ала билла, шиъ т1абиллар веннав.

Ши кхы цхьан ворда т1а тайнаяц, ши энгар цхьан ворда т1а тайнай.

Ши лоам в1ашаг1акхийттабац, ши саг в1ашаг1акхийттав.

Ши моастаг1а цхьан тхов к1ала тарлац.

Ши пхьор даа венна к1ец меца д1авижав.

Ши ткъам болаш яле а, котамах лаьча хургдац.

Ши т1оара в1ашаг1а мел техача вувлац халха.

Ши фуъ де енна котам яьтт1ай.

Ши шай миссел мара мах бац, аьнна, хийтта саг а накъавоалаш моттигаш нийсалу.

Ши 1овдал в1ашаг1тохарах, царех хьаькъал дола ца1 хургвац; хьаькъал дола ши саг в1ашаг1техача, царех кхоъ хул.

Ший баге лораяьчо ший корта лорабаьб.

Ший бедараш тхах хувца г1ийрта къайг ерзана йисай.

Ший б1арг – алмаза к1иг да.

Ший б1арг байначун наьха б1арга т1ара к1ай дайнад.

Ший б1енах хьазилга а г1ала хет.

Ший б1еха б1и къайга а дикаг1а хет.

Ший воацачох во1 хиннавац.

Ший даь-наьнаца во хинначун во т1ехье кхийнай.

Ший даьнеи наннеи мут1ахьа дола во1-йиша Даллана дукха дийзад.

Ший дег1а тоам леха саг вай оарцана ма нийсалойла.

Ший дег1ах кхийтта саьрг бекъа санна хет.

Ший дезала да воацачох мехка да хиннавац.

Ший ди шийна хар – доккхаг1а дола хьаькъал да.

Ший ды а ший моттиг а ховш хила веза саг.

Ший долча хьакъалах тоъам баь саг – тувлавенна саг ва.

Ший ираз эггар хьалха саго ше лораде деза.

Ший киса доалла сом дезаг1а да наьха киса доаллача тумал.

Ший коа на1ар т1а борг1ал а, ж1али а майраг1а хул.

Ший коча юкъе кхы дикаг1авар-ма вац.

Ший кхуврч наьхачул б1айхаг1а ба.

Ший къаманца воацар – миска бо да.

Ший къорга чу дахкана а шийх лом хет.

Ший метте ца аьнна дош хаза дезача хезадац.

Ший мехка валар тол кхыча мехка вахачул.

Ший мехка доацача эро цогал лаьцадац.

Ший мехка хьежа малх б1айхаг1а ба.

Ший наьна сий лорадечо Даьхен сий а лорадергда.

Ший тух-сискал чам болашаг1а да наьха дулх-хьалт1амал.

Ший т1ехье еза, аьнна, кхеллад Далла дуне т1а мел кхелла садола х1ама.

Ший ханнахьа ва ховр – хьаьша ва; ший ханнахьа ваха ховр а ва хьаьша.

Ший ханнахьа вижар кхаь воча х1амах тиннав; ший ханнахьа г1еттар кхаь дикача х1амах кхийнав.

Ший ханнахьа чакх ца баьккха болх чакхбаккханза бисаб.

Ший хьакъаца даь х1ама боча хул.

Ший х1ама шийна б1аргагуча дика да.

Ший ц1аг1а балийна вола саг наха а балийна верз.

Ший ц1аг1а воацар ара а вац.

Ший ц1аг1а дика хинна йо1 наьха ц1аг1а а во хила йиш яц.

Ший ц1аг1а – урядник, наьха ц1аг1а – базарник.

Ший ц1аг1а – хьаьша, наьха ц1аг1а – юртда.

Ший ц1аг1а яа сискал йоцашвар наьхацига дулха дикал-вол къестаеш ваьг1ав.

Шийга во деча, айвенна хила веза; нахага во деча, олллавенна хила веза.

Шийга совг1ат кхаьчача сесаг а хул безамег1а.

Шийла я мехках ваьнна лелачоа, й1айха я даь кхуврча йисте ваг1ачоа.

Шийна воацар наха вац, х1аьта шийна а наха а воацар мехка вац.

Шийна даь дика дицлучунна шийна даь во а дицлургда.

Шайна даь дика довзаргдолчоа мара дикадар ма де.

Шийна даь дика сага атта дицлу, шийна даь во дицлац.

Шийна де хов дикадар ца деш 1ийнари шийна ца ховр деш ваьллари цхьатарра ва.

Шийна деннача хьаькъалах кхоачам бер тувлавенна саг ва.

Шийна доакъар луш вола саг 1аттана а веза.

Шийна дукхаг1а везачоа Даллас дукхаг1а хьаькъал деннад.

Шийна къувлар деррига а д1ахайтац.

Шийна т1адоацар дувцар шийна т1адар дувца ма вахалва.

Шийна т1акхаьча бала боккха хетачоа ха деза кхы а боккхаг1а боа бала хулаш болга.

Шийна т1ера вира ворда ейнаяц, наха т1ера хинже-мезий дайнад.

Шийна т1ера г1алаташ довзача саго наьха г1алаташ дувцаргдац.

Шийна ховр мара ала йиш яц саго.

Шийна х1ама елча, молла ж1алена а даьккхад жай.

Шийна х1ама ца ховчо хьехараш ду.

Шийна шин кепигал даь г1улакх ца довзача сага, ший бац ши кепига мах.

Шийх баьккха бехк ца бовза саг эхь дайначарех ва.

Шийх доккхал деш вола саг наьха дег т1ара 1овож.

Шийца лаьца эздел хьаьшана доккхаг1а хет оттадаьча шунала.

Шийца моастаг1ал лоац топ-турпца эйхьаза вувлачо.

Шин сага юкъе йола къайле наха ца ховш юсаргьяц.

Шиннена кийчабаь кхача кхаьннена теаб.

Шиш боацаш кха а мегаргдац, 1у воацаш божа а мегаргбац.

Ше бувш, дахко а цергаш техай.

Ше даь х1ама бочаг1а да.

Ше дукъа оарц эгадеш, шийна дукъа оарц хьадеттийт.

Ше котъяьргйоацачара бордз а йодаш хул.

Ше кхабарга хьежжа 1атто а саг кхоаб.

Ше т1аваьнна гув лакха хет.

Шелалах п1елга бухьиг лозабоаллачулла, й1овхалах модж мустлойла са.

Шелвенначоа й1айхача пишкал д1айха даар тол.

Шера цкъа вира дулх ца диача, берзана гирдз доал.

Шера цкъа мукъа сесаго аьнначунга а ладийг1ача мегаргда.

Шерчаша даьр говраша дуъ аьхки даьр 1ано д1адуъ.

Шерчашта – дукъ, варашта – кодж.

Шоай мохк оалхазарашта а дукхаг1а беза.

Шоайла в1аший хьаьрчача, кулгашта а й1айхаг1а хул.

Шод йоацаш говреи кулг т1адоацаш сесагеи мегаргдац.

Шозза аьннар хьара а хоз.

Шозза аьнночох 1овдал а кхийттав, къорачоа а хезад.

Шозза валар да дийна воллашехьа валар.

Шорта вахар гаьна ваьннав.

Шу чам болашаг1а хул фусам-да безамег1а хуле.

Шув йисте г1ертача истарга виро аьнад, йоах: ”Ма г1ерта берда йисте, - са ги боаг1аргба хьо”.

Шуна т1а ваьг1ачоа шу дайзад.

Шурийга хьежжа хул даьтта.

Шурийца 1омабаь мотт валлалца бицбеннабац.

Шуча-мохча, захал-махал дикаг1а беций наьха нахал?

Шу-шерга мел доал саг букара верз, - лаьтто д1авех из.

__________________

▁▂▃▅▇♥ ЭРШТХО'evskaЯ Princess ♥▇▅▃▂▁

kahto

1овдалчу цхьаммо дина вон-эзарна бале даьлла.
1илма-синкхача.
1овдал корта къеж ца ло.
шен очакъ ца лардираг,х1уттут ю.
Ши безам цхьаьна дагчу дарлуш бац.
Цергаш-меттан дог1а.
Х1иллано ч1аг1о кагйо.
Хьашт-законал ч1ог1а ду.
Сиха воьдург сиха к1адло.

noxchi07

вир бацал лаьлчи хьоьвзина баь1ш юккъ йоьду

kahto

Дика зуда ах ирс.
Дог аьнгали ду: дохадахь,юха метта ца х1утту.
Дог ц1ена доцчуьнга хьекъал ма деха.
Дика к1анат мостаг1ий боцуш хилац.
Газа яйначун де а дайна.
Кица къамелан туьха.

__________________
Люди часто остаются одинокими потому, что строят стены вместо мостов.
======================================

kahto

Уьша т1улг беза ца хуьлу.
Сий дайна вехачул ,сийлахь валар тоьлу.
Нехан ахчано шениг дуу.
Набарна эхь ца девза.
Зудчух лаьцна зудчуьнга хатта.
Дика доттаг1 т1улган пенал ч1ог1а хуьлу.

__________________
Люди часто остаются одинокими потому, что строят стены вместо мостов.
======================================

Dushman

Борз йялахъ - кIатохъ!Йяцахъ - сIатугI.

kahto

Чохь лом - арахь цициг ма хила.
Ц1е д1айов,дош ца дов.
Ц1е яйа ц1ена хи ца оьшу.
Кхача бацахь, синкъерам бац.
Дахар валарал хала ду.

__________________
Люди часто остаются одинокими потому, что строят стены вместо мостов.
======================================