Grozny023

Дахарехь декхар тIедужий,
Хазалла халонех юхкий,
Доьзалехь марзо а лоьхуш,
Еха хьо, сийдолу Нана.

Доьзалехь башхалла йоцуш,
Жима, я воккха ца къестош,
Массо а цхьаъ санна хьоьстуш,
Нийсо ахь лелайо, Нана.

Вас хилча, бIаьргех хи дуьйлуш,
Хьаьстича, дог ловза дуьйлуш,
Балано кийрахь дог къуьйлуш,
Ма экам ю-кха хьо, Нана!

Кхачанах кийра ца бузош,
ГIелъелча, йижа йиш йоцуш,
ГIар хезча, набарх а юьйлуш,
Даггара ехаш ю, Нана.

ДоIанца Деле тхо доьхуш,
Меца дIадийшарна кхоьруш,
Цамгаро лацарна кхоьруш,
Ма декъаза ю-кха хьо, Нана.

Нана, хьан сийлалла юьйцуш,
Къуръан чохь аят ду дуьйцуш…
Дуьненахь хаза лар юьтуш,
Сибат хьан диц ца ло, Нана.

Дахарехь декхар тIедужий,
Хазалла, могшалла, юхкий,
Доьзална паргIато лоьхуш,
Еха хьо, сийдолу Нана.

Dichno

Бехк ца биллар доьху, ц1е йоккхуш болчу нохчийн поэтийн байташ юккъе, х1ара сайн са б1арзделлачохь, ша-шех, партало мог1ашка йирзина, шийлоо ойланаш кху чу язъярна.


Нене.

Тахана хьо цхьана йисна.
Йоккха керт вайн еса ю.
Къинтера ялахьа ,нана,
Хиларна со хьуна гена.

Атта дац шен доьзал кхио.
Т1еххала- доьзалан вон ган.
Йисси хьо кант декъалхилла,
Шоллаг1ниг т1епаза вайна.

Вайн Деле собар а доьхуш,
Вайнариг варе дог дохуш,
Доьзалан доьзалех хьоьгуш,
Генара ахь тхоь ладуьйг1у.

Хьо йожахь, хьоь куьг хьан кховдор?
Г1аьттича-хьан оьцур дог ?
Вай мерза даьхначу х1усмехь
Ахь цхьалхха боккху хьайн ког.

Юха а г1енах гин суна
Вай маьрша яьккхина хан.
Б1аьстено башийна гина
Хьан кийра г1орийна ша.

Хала ду, тешахьа нана,
Г1енах бен ца гуш хьо 1ан.
Къинт1ера ялахьа суна,
Т1екхачехь яцарна со.

Сан дахар суьйренга керча.
Ойланаш Веданах хьерча.
Доьху ас Везачу Деле
Дикано гулдар вайн кхерча.

Scarface

Dichno, хийла цIе яккха хьакъ долу стаг хуьлу хьуна нахана
ву-вац а ца хууш Iаш. ХIара дешнаш яздина йолу хьо а церан
могIарера хетало...

Баркал хьуна!

__________________
Дакъаза ма яла, сан хьоме Нохчийчоь,
МостагIех цIанъелла хьо хьанна гур ю те?

Scarface

Дорцалахь дIасатехкаш,
Бийца мотт боцуш,
Торха тIехь кура наж
БIе шарахь лаьттара.
Цкъа шена тIе хаьрцаш
Цхьа токхам байчахь,
Цуьнан а: «Ва, нана!» —
Аьлла мохь белира.

М.Сулаев

__________________
Дакъаза ма яла, сан хьоме Нохчийчоь,
МостагIех цIанъелла хьо хьанна гур ю те?

Dodam

__________________
".. Г1енаш, сан эсала г1енаш, мичахь ду шу хаза т1емаш?
Йига со б1арлаг1ийн махка, сайн ирсан аганчохь тахка...." (с)

Dodam

__________________
".. Г1енаш, сан эсала г1енаш, мичахь ду шу хаза т1емаш?
Йига со б1арлаг1ийн махка, сайн ирсан аганчохь тахка...." (с)

jandi

са нана, хьоме са нана. мел чоьгjа оьшара сунна хьо,
мел дукха дар са хьога дийца, ма лаьара дог дасто хоь.
ахь суна бехк мабиллахь нана, со йоьлхуш яц хьуна,
амма бjaргех уьх хиш сацо, бац кхи ницкьа са хьуна.

хьанна моьттара нана, ши хьоме махках ваьл дахар хир ду,
хьанна лаьара нана, ши юрт а кешнаш а дjaкхийса
ахь сунна бехк мабиллахь нана, сан дахар ишт нис делла хьуна
амма ас дош ло хьуна, нана, сай мохк а, сай нохчалла а диц ца данa

Dodam

__________________
".. Г1енаш, сан эсала г1енаш, мичахь ду шу хаза т1емаш?
Йига со б1арлаг1ийн махка, сайн ирсан аганчохь тахка...." (с)

Scarface

САЙН НЕНЕ...

Хебарша юьхь-сибат оху хьан, нана,
Шераша месаш йо хьан тIеттIа сир.
Сиркхонийн халбата хьо хиъчахьана,
Хаьдда сан къоначу синтеман тхир.

Комаьрша догучу хьан дагна гонах
Дикалло яьккхина шен дашо тир.
Ас дагахь Iамийна хьан амат къона,
Къизачу хене и ца дайта шир.

Сан нана, мел жима яр-кха хьо хIетахь.
Ма сиха дIаели и мерза хан!
ХIинца-м хьо хеназа алсам Iа меттахь,
Хорам беш йогучу ойланна сан.

Халла бен ца йолу уча я ара,
Шеконца хьайн дегIе ладоьгIуш Iа.
Ас хIун дан дезар-те хьо яцахьара?
ХIун дийр ду-техьа ас хьо йодахь дIа?

Хьо лаза хьакхийча, ас бала лов-кха,
Гу санна, лахло-кха сан хьаштийн лам…
Хьоьл хьалха вер ву со тIаьххьарчу новкъа,
Хьоьл тIаьхьа дуьненах ца баккха чам...

Хоттане, 1981 шеран апрель

__________________
Дакъаза ма яла, сан хьоме Нохчийчоь,
МостагIех цIанъелла хьо хьанна гур ю те?