Dodam

Эни, ахьа-м ч1ог1а дика болх бина кхузахь!)
Дела реза хуьлийла хьуна!!!

__________________
".. Г1енаш, сан эсала г1енаш, мичахь ду шу хаза т1емаш?
Йига со б1арлаг1ийн махка, сайн ирсан аганчохь тахка...." (с)

Dodam

Эни, х1ара байт хьанна язйина ю техьа Хедас?

__________________
".. Г1енаш, сан эсала г1енаш, мичахь ду шу хаза т1емаш?
Йига со б1арлаг1ийн махка, сайн ирсан аганчохь тахка...." (с)

Tarha

в смысле?

Dodam

В прямом, Тарха)))
"Хьо мила ву?" бохуш
цхьаннега хоьттуш яц иза кхин?)
Или я опять что-то не то сказала...

__________________
".. Г1енаш, сан эсала г1енаш, мичахь ду шу хаза т1емаш?
Йига со б1арлаг1ийн махка, сайн ирсан аганчохь тахка...." (с)

Tarha

нет, это я что-то ни то сказал))
пардон

Enigma*

Хьанна язйина-м ца хаьа суна Додам , Тарха))))но тахана а актуальни-м ю иза)))Юй?))

__________________
Цхьаннан меттана итт вог1ур ву!

Lamanho

"Нохчочуьнга"

Хьан ц1ийца деха
Ворх1е дайн ц1ий,
И долччохь деха
Стогалла, сий.
Хезна ду олуш:
"Х1ай жима къам,
Доккхачу къоман
Бан беза хам.
Чудилла чехка
Сан кеда сом".
(Ясакхаш лучех
Ма даций тхо-м.)
"Ткъа реза дацахь
Ношбели стом -
Д1амолуш дахар,
Т1екхалла т1ом..."

Такхоре бижи
Заманан ц1ов:
Кад - изза, тиша,
Стом- керла дов
Кхийдадо хьоьга,
Хьан дерриг герз -
И хьоьца деха
Ворх1е дайн иэс.
Д1амала боху
Хьоьга хьайн ц1ий,
Т1екхалла боху
Ворх1е дайн сий.

Зарзло хьан
Cобар дихкина муш,
Хьуо ваа тоба
Динийла гуш.
Ницкъ боцуш дисча
Нуьцкъала дош,
Герз лоцчу куьйган
Дацдо ахь пхьош,
Д1амала олуш
Шайгга шайн ц1ий
Т1екхалла доцург
Ворх1е дайн сий...

Enigma*

***
Х1окху суьйренан малхбузар лозу,
Г1ийла д1абузу чов хилла малх,
Шена язъелла кху дийнахь б1озза
Х1окху дуьненчу х1оьттина чалх.

Х1окху суьйренан малхбузар лозу,
Со а цамгарах парг1ата яц -
Х1окху суьйрана сан суьйре лозу,
1ийжаш дуьне вайн хиларна харц

__________________
Цхьаннан меттана итт вог1ур ву!

Enigma*

Са1ди к1отар

Йохийна, шарйина дай баьхна юрт,
Хьо-м кошах таръели, доьг1чхьана чурт.
Б1ашераш хьалха а - Нохчичохь т1ом,
Б1ешераш т1аьхьа а - Нохчичохь т1ом.

Бераллин майданех хуьйдина ц1ий,
Минаша сакхйина хьаннаш д1атий.
Де-дийно кешнийн керт юкъелла йог1у,
Хетало цо: «Аш а кечам бе», - боху.

Ас, доьза ца дайта, ийзаеш кхес,
Херцораш юккъера г1иттадо иэс:
Г1овг1ане урамаш, бералин хан,
Схьагушдерг хетало цхьа ирча г1ан.

Дагара дер ма дац хьо яьгна сурт,
Къар ца луш г1атталахь, дай баьхна юрт,
Бух боцуш муха хир т1аьхьенаш вай?
Бийца лам боцуш верг-м лериний лай!

2001

(Журнал "Орга" N6, 2002)

Enigma*

***
Дагна туьйхи ира ов.
1ожалло-м ца дилли ков?
Бода, бода тийна 1а,
Танг1алкх хили тийналлех.

Х1унда оьшу оццула?
Тоьур ду цхьа к1охцал а
Сих д1акъаста бахьана,
Зама кхаьчнехь тахана.