Lamanho

***

Шийла ша кагбина шат1улгаш лехьочул,
Йогучу ц1ергара алу схьалехьочул,
Цу ша т1ехь ког шершош хехкалур ярий со-м,
Цу ц1арах дог 1абош йохлуш 1ийр ярий со-м
Ахь бохург къобалдеш 1адъ1ийриг хиллехь.

1а шийла ду аьлча, г1орош хир ярий со-м,
Малх бовха бу аьлча, йохлуш хир ярий со-м
Массара бохучух тоам беш хиллехь.

Дахарнa къаръелла парг1ат хир яра со,
Сайн говран архаш а хецна хир яра ас
Ахь аз а къардина соцуриг хиллехь!

Х.Батаева

1988.

TurpalNaj

Бекиева 1айшатана

Цу цхьана м1аьргонна севцира стиглара мархаш,
Севцира дахаран боларца мел уьду хиш,
Хено а ц1еххьана озийра юха шен архаш...
Ткъа оцу юкъана дуьнен чу елира ша-шех
Ахь цкъа а лакханза йисина аганан йиш.

Жимачу берана ши пазат ялла бен боцуш,
Дахаран к1айн уьйриг ма жима хиллера хьан.
Хилла хьан дахaр хьан ч1абанал дуккха а доца,
Хьоь ала сан диснарг - сан юкъах мел дуьсу г1ан.

Лайн чимаш х1аваэхь дисира охьа ца эгаш,
Акхтаргах хьаьрччинчохь бисира 1адийна мох,
Ткъа буьйса... И-м хилла хьан б1аьргийн 1аьржаллех хьоьгуш,
Хьан жима к1айн дахар т1аьххьара д1акъаьсташ хьох.

__________________
"Со хьуна яц реза, сайна яц,
айса оцу Далла дуьхьал хьочу дуьненан гIелонна яций со-м реза!
Ас хIун эр ду цуьнга, хIун хоттур ду я хIун доьхур ду!..."

vesy

Абат

Маржа я1, сан Абат,х1инца а, Абат,
Г1езаш ю боху ахь цу Ану Бабин,
Хаза ю боху ахь вайн Соьлжа-г1ала,
Трамвайш, троллейбусаш, паркера 1алам.
Ткъа къена сан Абат, ца хаьа хьуна,
Озниев Хьуьсена 1амийнарг суна,
Мохк богуш яьгнийла и Соьлжа-г1ала,
Трамвайш, троллейбусаш, паркера 1алам,
Ц1ен г1опан саьрмико т1ом беъний махка,
И Ануй, Бабий ц1ерш чарташ т1е йохкуш?

Хеда Батаева
2000

он очень грустный и вместе с тем какой то легкий...он мне очень нравится

so jar isam

Лам т1е волуш, тийсира цо цергаш,
Ткъа куьйгашца къевлинера лергаш.
Хьалаваьлча, къарделлера лергаш,
Амма дийна йисна хилла цергаш.

__________________
Однозначно-нет!(ц)

http://ru.youtube.com/watch?v=62jO0I...eature=related

Lamanho

***
Дагахь доцчуьра бог1ий,
Шелйо шийлачу мохо...
Хьанна новкъа ду техьа
Суна х1оьттина ан?
Лаахь - г1енашна яла,
Лаахь - г1емашца лета
Суна елла ю-кх Дала
Х1ара буьйсанан хан.
Х1ара байт а ю сайниг
Йолуш рифма, я йоцуш
Волуш йоьшург, я воцуш,
Амма йолуш шен со.
Х1ара грипп а ю сайниг,
Долуш молха, я доцуш,
Сан и делахь, я дацахь
Цхьаннан п1елг лозур боцуш
Суна хьежабеш болу.
Лаахь, рифма ян, молу
Ас цу молхана метта
Цхьамма кховдийна д1овш,
Иза кховдийнарг кхин а
Волчунт1е а цецвоккхуш,
Къаждеш, дийца сан эхарт
Цунна шолг1а некъ боккхуш...
Хала делахь а ваха,
Велча - хирг хир ду атта,
Хьуна т1ера къа оьцу
Нах мел беха кху лаьттахь.
Ког хьан тийсалуш хиларх,
Иштта хуьлуш а хуьлу-кх:
Цу хьан т1аьххьарчу дийнахь
Х1оттош 1ожалло г1иллакх...

2008


Хеда Батаева

Albert

Тема закрыта по просьбе Хеды.