|
|
|||||||
| Проза/Поэзия Искусство образного выражения мысли в слове; изображение жизни, создание художественных образов при помощи слова. |
 |
|
|
Опции темы |
23.07.2008, 14:44
|
#971 |
|
Согревшийся
 
Регистрация: 28.07.2007
Адрес: Маьлхан Дуьне
Сообщений: 495
Репутация: 2  |
* * *
Со бIаьстенан хьаннаш юккъехь кхерста, Дашо хеташ буц а, тIулг а, хатт а. Лаьа гонах техка бецаш хьеста, Лаьа хIора дитте хьал-де хатта. Бецан тхилахь деган куьйгаш дуьлий, Салам ло ас хIокху маьлхан кIоште. Хьуьнан аьзнех дIаэн лаам хуьлий, Бацалахь сан ойла лахло гоштIе. КIорда ца до хьежа стигла хьала, Хестош гIуш-лакхенан сийна зовкх а, Сайн Даймехкан лаьттан токхе хьал а, Сатасар а, ваьккхинарг со новкъа… 1илман Юсупов
__________________
Ирсан гIазот доккхуш со хьан дагчохь кхелхина… |
|
|
|
23.07.2008, 14:46
|
#972 |
|
Согревшийся
Регистрация: 28.07.2007
Адрес: Маьлхан Дуьне
Сообщений: 495
Репутация: 2 |
* * *
Баца юккъех дайнадоьду тача КIеза санна, лелха когаш кIел. Стигал чIечкъа - там бу кеста яча: ХIуо а делла гIеххьачунна шел. Амма дагчу хьаьвза лазам бовха Хетаделча, катухуш сан хьиэх, БIаьрзе ешап санна, цхьаьннан бохам Хьуьхь а боьлла, тIуьлуш сайна тIех. 1илман Юсупов
__________________
Ирсан гIазот доккхуш со хьан дагчохь кхелхина… |
|
|
|
|
23.07.2008, 14:49
|
#973 |
|
Согревшийся
Регистрация: 28.07.2007
Адрес: Маьлхан Дуьне
Сообщений: 495
Репутация: 2 |
Iуьйре
Къорзачу зезагийн дургал а муьйлуш, ГIаддахна хьийзаш ду дайн IиндагIаш. Iуьйренан зIаьнарша уьш тIе а кхуьйлуш, Цаьрцанна лестадо акхтаргийн гIаш. Шовданан татол го басах чу хьаьдда, Ламанан букъ тIехьа малх айало. Ца оьшу аматаш тIера дIакхаьдда, Iаламо исбаьхьа сурт хIоттадо. Стиглара серло цхьа сапаргIат Iена. Бацо а баржийна лаьтта шен куз. Цунна тIехь цIийзачу чкъургаша хенан Цаьпцалгийн догIмашка кхерстадо зуз. 1илман Юсупов
__________________
Ирсан гIазот доккхуш со хьан дагчохь кхелхина… |
|
|
|
|
23.07.2008, 14:52
|
#974 |
|
Согревшийся
Регистрация: 28.07.2007
Адрес: Маьлхан Дуьне
Сообщений: 495
Репутация: 2 |
Байттамал
ЗIугано кхор лоху уггар а хилларг. Баппано яржайо шен къоьжа кана. Гена а далале селхана хилларг, ХIинцца дерг чехадо хиндолчо кхана. Уьшал чохь пхьид ека, шен гIайгIа иййеш, Шен дайна ирс лоьхуш эрзашна юккъехь. ДIайоьлху мIаьргонаш – аланза иллеш, Байттамал дуьтуш сан къоламна юххехь. 1илман Юсупов
__________________
Ирсан гIазот доккхуш со хьан дагчохь кхелхина… |
|
|
|
|
23.07.2008, 15:57
|
#975 |
|
Честолюбивая чеченка
 
Регистрация: 20.02.2007
Адрес: In Y.H.
Сообщений: 3,999
Репутация: 9  |
1омачохь беттан сурт тховса а дисина сайнна,
Шовкъашна качвелла, буьйгIу ас ойланехь бохь. Вовшеха хьекхало IиндагIаш, кIамделча санна, ХIаваан пардонах чекхбуьйлу бухIанан мохь. Жима ши марха ю, туьйдина седарчийн кIархаш, Къорзачу стигалахь меллаша шайн болар деш. Корсаман куйнаш а техкина лаьтташ ю тархаш, Боьранийн лергашка къайллаха забарш а еш. Дахкаро цIуббина, цIанбина уьшалан зорха, Шелделла тхиш ца ло тIуьначу бацалахь дох. Шен тIома куьг Iуттий, егайой седарчийн хорха, Сийначу серлоно багабой, дIаэккха мох. Юьртара пхи цIа ду тховса а вайшинна юккъехь. Тоххарехь йижна хьо гуш ю-те мосалгIа гIан? Хаалахь, сан са дуй набъечу хьайн кераюккъехь, Шен йовха Iаь етташ ховхачу пIелгашла хьан… 1илман Юсупов |
|
|
|
|
23.07.2008, 15:58
|
#976 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,999
Репутация: 9 |
* * *
ДоIа деш хьо вацахь, хир яц хьан мIаьргонаш тIома, Умматан могIарша юккъера кхуссур ву хьо. Маликаш хир ду хьан гIуллакхийн терахьца гома. ШайтIанан баккхале доьрзур ду хьан хIора шо. Де-дийне Iожалла тIегIерта, цхьацца ког боккхуш, Цо шеца дIахьош верг цIеххьана катухий хьо. Хьо вацахь дуьненчохь доIанехь Делан цIе йоккхуш, Махьшаран майданахь хIун ала волу-те хьо? 1илман Юсупов |
|
|
|
|
23.07.2008, 16:00
|
#977 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,999
Репутация: 9 |
БЕРАН IОЖАЛЛА
Цхьайтта бутт кхаьчначу беран са дIадели, ДIадаха, акхтарган пухI санна, тIома. Стигална лаьтто шен цхьа дакъа дIадели Лазаман йочанан къаьхьачу чомах. Къийделла хилла-те азаллехь шекъанаш Дала кху пекъаран рицкъа дIаяздеш? ДIабаха эхарта кхетамза текъамаш, Даанза дитинчу дуьнене арздеш... Чиркх санна, дIаяй-кха хьан сирла йозалла, БIаьрзечу бIагоро техкаден ага, Къиза ю хьан кохкарш хедийна Iожалла, Дац цуьнан амалехь ша динчух ягар... Сенбелла Iохкучу кегийчу когашна Дуьнен чохь цхьа мача ца хили-кх хьашт а. Хьозарчийн коьрттел бен доцучу куьйгашна Хан-зама ца тоьи-кх ненан дог хьаста.... Хьайн боьза мотт Iовший, марчо, хьо делхахьа, Дуьтуш хьайн бендоцуш лахьти чу диссар - ТIе бIаьрхин хьоькх лацарх хIуммаъ ца телха хьан, ДIахьарчош хьайн жима декъаза йийсар... Беран ден бIаьргаш чохь детталун ов гарна Къурдашлахь горйоьду сан дегайовхо. Дилха шелделлачу жимачу овгална ЙоьгIна ца хилла кхин дахаран йовхо... Суй-седа шех хилла, баьгначу кхолламан МIаьргонийн чимаш сан ойланехь хьегIа... Даш лозу цундела сан шерийн къоламан Кагйинчу даьIахкан тIум санна, цIегIа... ДоIанна пурба луш шен коьртехь бохь бегIа, Бер Iуьллу, тIаьххьара садеIар хаьлла. Дуьнен чу ша долуш цо тоьхна мохь беха Ненан син баххьашца йилбаз а баьлла... 1илман Юсупов |
|
|
|
|
23.07.2008, 16:00
|
#978 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,999
Репутация: 9 |
МостагIчо дайн латта дIалаьцна, со уьйрех хадар
Тергал дIа ца далла дог-Iаьржа хиллера дуьне. Хийрачу нахалахь йохьана ян гIерташ мадар, Ас хийла синхаам бейти-кха шеконийн уьне. Хено шен цхьа га а, пайденза ду аьлла, кхадар Ла ца луш Iийначу сайн дагалецамийн хьуьне Доьху ас жимма шен орамаш кхетамехь кIаддар, Лайначун къахьалла ца йилла хийрачу шуьне. Геналлехь гIенах гуш дайн лекха сатийсам — маршо, Суьпачу сица ас Iалашдо цIийн озан уммат… Сатийсам дIабоьхуш хьомечу стигалан Iаршо, Сих-сиха ойланийн садаа хIуьтту цхьа хIума: Со пана махкара цIавоьрзуш, гитоьхна са-лам, Даймахко дIаоьцур дуй-техьа ас делла салам?.. 1илман Юсупов |
|
|
|
|
24.07.2008, 01:15
|
#979 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,999
Репутация: 9 |
* * *
Сан деган дахкарлахь хьулделла сан дедайн ирзе, ХIара ю цкъачунна вайшинна ас лаьцна хIусам. Кхузарчу деноша дийр ду-кха вайший а ирсе, Адамийн бIаьрг хиларх бодано лардийр ду буса-м. Сан ирсан даьIахкаш, шовкъаша обанаш баьхнарш, Кхузахь бен карор яц мацца а вайн къастар хилахь… Тахана бацахь а гуш-хезехь хIара латта аьхнарш, Амма уьш цкъа лелла, шайн синош лийчош кху тхилахь… Тешаман серлонгахь ас шаръеш хьан кучан хеборш, Сан пIелгийн зIаьнаршка ма цеце хьоьжу дIо стигал – Лааман маьркIаже хьан синцIеналлина тебош Со велахь, сан илли дуьжийла аз хилла къийган. Сутара IиндагIаш – акхачу ойланех даьзнарш – Сайн даг чу нуй хьокхуш, со дерриш хIаллакдан кхиъна. Цундела тийна Iа сан бIаьргийн дехаре аьзнаш – Дуьзна уьш, хьан гIенийн дахкаран тийналла йиъна… Лач ойла-шаршолаг тIех шера хилла, хьо шаршахь, Оьздачу ойланца ас хьуна гIатта гIо до-кха. Цул тIаьхьа ирзенна гонаха даьллачу варшахь Мукъаман гураца лоцу хьо – сайн бовха кхокха… Хийистехь коьллаша шайн луьста цIоцкъамаш хебош, Бухара схьакъерзарх моьлкъанан баьццара бIаьргаш, Цхьа а вац вайн доцчу къиношна неIалташ дебош, Хьан боху вайшиъ ду эхь-бехках яе гIерташ гаьргаш?.. Уьйр цIена латтаеш, хIумма а цхьаммо ца эрриг, Цхьа хьанал цIе летта, вайший а кху хене даьлла. Ахь бIаьргийн когашца мосазза хьаьшна со верриг? Амма со, лазаме там хиларх, осал ца ваьлла… Ларанаш кег а еш (тIехерцош дIо лаьмнийн тархаш) Со-м сацо хьожур ву хьан шераш хьийзаден бера. Ас марахь йохйийр ю стигалахь ношъелла мархаш, Царалахь тосалахь тIадамаш – хьан бIаьрхих тера… Даймахко диллина сан иллин кийра хьан амат, Ас и схьадалийна сайн дедай баьхначу ирзе. И ду-кха Iаламан уггар а доккха Iаламат, Къеначу кху лаьттан иэсехь а дуьсу дерг ирсе… 1илман Юсупов |
|
|
|
|
24.07.2008, 01:18
|
#980 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,999
Репутация: 9 |
Газель
Хьоьх ен ойла – олхазаран накха санна, кIеда, Ахь сан дагчохь бина болчу бенчуьра схьакъеда. Ткъа хьан Iаьржа месаш ма ю – малхал сирла бодаш, ХIора мас-зIаьнар шайн векалйинарш сан сатедан. Хьан бIаьрхиш ду стелаIодан цIийнах девлла дерзаш, Дуьне суна таз ма-делли, уьш сан кийра леда. Со-м ца воллу хьан лерсине дешнийн дуьйраш кхийдош – Иллех яьлла Iов луьйсу ас хьан кхолламан кеда. Хьан къоналлин билзигах ша тай дуцахь а, зама Яьхьар яц хьан беснийн демах шерийн ахьар иэдан. Чухчахьеран суьлхьанаш сан бIаьргийн карахь хьийза, Царна юкъахь молла хили хьо – Iилманан седа… 1илман Юсупов |
|
|
|
Тешаме-тешаме, эсала-эсала...© 
.
