so jar isam

Ша бо сан иллешна, адамаш, шун вонаш гуш.
Ца лаьа довла и шун бИаьргаш, дилхина, баса.
Шун хИора лазамна роггИана дИавожалуш,
И къиза ворданаш сайн даг чу ялайо аса…

Меня восхищает сила любви Юсупова к своему народу,к своей Родине.Переживать и принимать так близко к сердцу их беды...Для етого нужно иметь не одно сердце ,а много тысяч.Одно сердце не сможет вынести всей тяжести .Я не буду кривить душой,я бы так не смогла!

__________________
Однозначно-нет!(ц)

http://ru.youtube.com/watch?v=62jO0I...eature=related

so jar isam

* * *
Iомачохь беттан сурт тховса а дисина сайнна,
Шовкъашна качвелла, буьйгIу ас ойланехь бохь.
Вовшеха хьекхало IиндагIаш, кIамделча санна,
ХIаваан пардонах чекхбуьйлу бухIанан мохь.

Жима ши марха ю, туьйдина седарчийн кIархаш,
Къорзачу стигалахь меллаша шайн болар деш.
Корсаман куйнаш а техкина лаьтташ ю тархаш,
Боьранийн лергашка къайллаха забарш а еш.

Дахкаро цIуббина, цIанбина уьшалан зорха,
Шелделла тхиш ца ло тIуьначу бацалахь дох.
Шен тIома куьг Iуттий, егайой седарчийн хорха,
Сийначу серлоно багабой, дIаэккха мох.

Юьртара пхи цIа ду тховса а вайшинна юккъехь.
Тоххарехь йижна хьо гуш ю-те мосалгIа гIан?
Хаалахь, сан са дуй набъечу хьайн кераюккъехь,
Шен йовха Iаь етташ ховхачу пIелгашла хьан…

Iилман Юсупов

__________________
Однозначно-нет!(ц)

http://ru.youtube.com/watch?v=62jO0I...eature=related

so jar isam

* * *

МаьркIаженан IиндагIашна пхьор дан лиъна мерза,
Мархийн маша боза хIоьтти беттан дато гезг…
Ма галдала кийча хилла синхIоттаман терза,
Деган дургал лиэша яьлла, сагатделча кIеззиг.

Ма галдала кийча хилла синхIоттаман терза,
Беран мIаьррал дагахьбаллам оза дезча шен.
Туьгуш дац-кха дегочуьра иза-м юхадерза:
Уьдуш лела синан цхьамза лууш бац-кха тиэн…

Туьгуш дац-кха дегочуьра терза юхадерза,
Шовкъо дабагIдина деган хIуо дIатийннашехь…
Мархийн маша нилха болччухула схьа а къерзаш,
Седарчий ду серло оза гIерташ цунна тIехь.

Мархийн маша нилха болччухула схьа а къерзаш,
ТIеттIа язло Чухчахьеран сирла герканаш…
Буьйса-пондар хьедан йолу шен IиндагIаш-мерзаш,
Улле охьахийшош иллеш – уггар гергарнаш…

Буьйса-пондар хьедан йолу шен IиндагIаш-мерзаш,
Цаьпцалгаша Iома йисттехь аьзнийн чиркх латош…
Ойла-баргол хадош, хезна геннахь говраш терсаш,
Кийра батIош, араоьккху уггар йоргIа дош.

Ойла-баргол хадош, хезна геннахь говраш терсаш,
Нохчийн аре екош, боьду и сан оьзда дин.
Ненан меттан аьлха хьоькхуш, ирдеш бIаьрса, лерса,
ХIинццалц къуьйлуш хилла архаш ас а дIамалйи…

Ненан меттан аьлха хьоькхуш, ирдеш бIаьрса, лерса,
Толлу ас сайн мукъам денбен башха сатийсам.
Наггахь синна сиркхо тосаяларх кега-мерса,
Кхиэлан кхерчахь хан ягорах, цIийн кIеж ца тий сан…

Наггахь синна сиркхо тосаяларх кега-мерса,
Дерташ доцу заза лепош ду сан ирсан га.
Гуттар хир ма бац сингаттам йочане тIесерсаш,
Цуьнан цхьа а зирх-тIадам ма болда Iуьйренга!..

Гуттар хир ма бац сингаттам йочане тIесерсаш,
Деган дургал лиэша яьлла, са тIундаларх кIеззиг.
Меттадан а герга ма ду синхIоттаман терза,
Мархийн маша боьзна яьлча беттан дато гезг…

Iилман Юсупов

__________________
Однозначно-нет!(ц)

http://ru.youtube.com/watch?v=62jO0I...eature=related

so jar isam

***
Къорзачу уьйригна Чухчахьер олучу
Собаре тебна Iа кIайн цициг беттан.
Хета и сайх тера аз лаца воллучу -
Мазалахь кхиънарг хьан ховхачу бетан.

Мархийн тха зарздина седарчийн дехкаша,
Даточу цергашца Iуьргаш а дохуш...
Изза ду-кх сан дагна дийриг хьан бехкаша
Хьан кераюккъехь и дIатийча, дохлуш.

Мекара бутт гича ладоьгIуш суо санна,
Ца лууш седарчий довдийта дIаса,
Тарло сайн тебар хьан сирлачу озана
Суо хьагарх рогIера хьан яппарш хаза...

Iилман Юсупов

__________________
Однозначно-нет!(ц)

http://ru.youtube.com/watch?v=62jO0I...eature=related

Amazonka2

Нохчийчоьне

Хьоьга безам – сан ойланийн чилла -
Набарзаллин буьйсанашлахь IаьIна.
Сан Нохчийчоь, суна бехк ма билла:
Со Iамийна ваьлла вац хьан маьIна.

Iилма хилла даьржина-кх и Лаьттахь,
Талла ваьлча тоьар доцуш дахар…
Со мел веха хьан токхечу хьаьттахь,
Цхьа а ойла хир ма яц сан Iахар.

Хьоь сан безам – Делан Iаршан кхоллам,
Беттан серло - седарчашлахь деба,
Байташ юцуш, марсабаьлла къолам,
Можа малх - хьан лаьмнаш тIехьа тиеба.

Ас тIелоцу хьан хьехам а, кост а,
Хьоьга кховдош сайн иэшам а, зовкх а.
Денна мийларх ас хьан шийла хьоста,
Хьоьх со хьогах хилар дIа ца дов-кха.

Iилман Юсупов

__________________
Ирсан гIазот доккхуш со хьан дагчохь кхелхина…

so jar isam

--------------------------------------------------------------------------------

Луо догIу...

Луо догIу... сан эвлахь кIайн шахьар кхолла,
Бер санна, сан белшийн аганахь тхьовса.
Хьан амат гитоьхна сайн ойла-полла
Лайн чимийн тхьамда ас хIоттийна тховса.

Хилла-те хьо цаяр йиллинчу метте
Ахь суна гайтар хьайн син къилбаседе?..

Ган а гуш, кIайлуш ю тхов тIера гериг,
Бодашкахь бос баьхьна дIахIоьтти керт а.
Хьо мичахь ю хууш кху сохьта ерриг
Лайн чимаш, дог лохуш, сан чета гIерта.

Хилла-те хьо цаяр йиллинчу метте
Ахь суна гайтар хьайн син къилбаседе?

Мадбелла бода бу сатуьйсуш тере
Дитташа генашца махе ден хабарш.
Лайн чимийн тобано кхоьхьу сан лере
ХIаваэ даре дан Iемина шабарш.

Хилла-те хьо цаяр йиллинчу метте
Ахь суна гайтар хьайн син къилбаседе?

ЧIапачу баккъаш тIе пухI тесна ардаш
Езачу тийналло тIекерчаш, веддо.
Доху сан беснешна месала барташ
Къоначу лайн чимийн тIедачу бето...

Хилла-те хьо цаяр йиллинчу метте
Ахь суна гайтар хьайн син къилбаседе?

КIур тийса йолало туьнкалган луьлла,
Ша башош сан дагна гонаха бина.
УгIу сан бIаьргашна лайн чимийн гуьла
ГIайгIанан беттаса царна чохь гина...

Хилла-те хьо цаяр йиллинчу метте
Ахь суна гайтар хьайн син къилбаседе?..

Iилман Юсупов
__________________

__________________
Однозначно-нет!(ц)

http://ru.youtube.com/watch?v=62jO0I...eature=related

Lara

***
Самсабохуш тишбеллачу сан лааман бен,
Хьо хIун деха йоллу соьга олхазарал къечу?
Со да волуш хIума дац-кха деган тIемаш бен -
Эрна гIерта хьан сибат сан хьиэ чу...

Охьаэгна сан ойланийн диттийн тIома гIаш,
ХIинца ву-кха со цундела Iаьнан хьуьнал беркъа.
Кхин дIа хьекъа лууш дац сан шерийн гIура кхаш -
Сатийсамо церан хьукма дер-кха...

Оццул йоккха хилла йолчу цIеран цхьа а суй
Кара-м ца бо кийрахь, «хIуп» а аьлла, меттаххьабан...
Хоьхкуш ю-кха, говрах тарбеш, шен хийцамийн нуй
ХIара зама - къена жоьра-баба...

Лаца цхьа а тIам а боцуш, сайн сагатдалар
Хьан дог деттадалар санна, соьга лалахьара
Ялсаманех тера дар-кха хIара миска Iар -
Ша ма дойла суна Дала хьарам!

Хьан хьадалчаш дуй а хууш беттан IиндагIаш,
Царна там ца балуш, йоьлху сан лааман къелла:
Цхьаллин некъийн шаш тIехь муха лелар ву со гIаш
Деган тIемаш хьуна дIа а делла?..

__________________
Я - лучшая. Кто против - для тех существует путь в обход.

Amazonka2

Безаман лами

Оьздачу хьан дешнех буцу ас безаман лами:
Хьан деган Iаьршашка лууш ву со хьалавала.
ХIуъа дийций а, со волччохь цхьаъ дийций яла –
Хьан къамел кего кечбелла бу сан деган чами…

Сан ламин тIегIанаш – мукъамах аьгна хьайн дешнаш –
КIадо а ца еш, чуэгаде хьайн балдаш тIера.
Хьан дешнийн оьланаш – со гуттаренна шайх тешнарш –
Дахаран хазна ю сан ирсан кераюккъера…

Сан болх бахийттина мерзачу чаккхенан герга,
Там бара цIеххьана хьан дашо къамелаш кхачон?
Хьанал ю ламина ас тIегIанашца ен кхачо,
Беркате хуьлда ас хаддаза церан бен тергам…

Ши тIегIа тIеоьшу со Iалашоне дIакхача.
Йист хуьлуш ма яц хьо? Ас хIинца хьаьнга ладегIа?
Тийналло мацдина, ирделла сан лерса хьегIа –
Хьарам би цунна ахь хьайн балдийн и зевне кхача?..

Хийистехь садайна… Хьан кIудал тIехъеха ели…
Ахь, даржехь совдоккхуш лааман кIоршаме собар,
Эвхье схьахьажарца эли сан ойланна оба,
«Хьо веза» - ши дош а - сайн лами со бина вели…

Iилман Юсупов

__________________
Ирсан гIазот доккхуш со хьан дагчохь кхелхина…

Amazonka2

* * *
Сан шовкъаш гIайгIанан кIуьралахь къаръелла,
Сайн цхьаллин кхерча ас тахкарна…
Со-м воьду стигларчу гIаргIулех тарвелла,
Пебетташ къоьжачу дахкарна.

Со кхочур вац кхин хьо Iаш йолчу кIотара
Хьан куц сайн бIаьрсица ловзадан…
Со воьду, секх санна безаман Iодара,
Йовзазчу йоьIан дог Iовжадан.

Кагбелла сан кхоллам ма бетта зоьпара -
Сан чов хьан дарбанах шекъяьлла…
Со воьду, хIоъ санна йоккхачу тоьпара,
Хьан деган дилханах чекхваьлла.

Къастар а дели-кха вайга барт хаьттина.
Хилла и дуьненчохь масанна?..
Со воьду, веллачун кийрара гIаьттина,
ДегI дуьтуш, дIадоьду са санна.

Iилман Юсупов

__________________
Ирсан гIазот доккхуш со хьан дагчохь кхелхина…

so jar isam

Бераллин денош

Шераша якхдеш ду дахаран кхаш,
Бохамийн, эшамийн диларш тИеИенош.
Сан деган уьйтИара шайн ИиндагИаш
Аш мича тийси-те, бераллин денош?

Шу Иачохь хьан до-те Иуналла шун,
Ас санна, шун маьлхан синош а делош?
Бе-берса дац-кха сан кхолламан шун,
Цунна тИехь шу доцуш, бераллин денош.

Со-м хетар долуш ву заманах эхь,
ГИайгИане лелахь шу, сан лазам дебош:
Со ирсах тешийнарг кху лаьтта тИехь
Шун сирла уммат ду, бераллин денош.

Иожаллин бИобанах ийзалуш Иа
Аш зевне декийна сан гИенийн цИенош.
Уьш дуьтуш, шу хИунда девди-те дИа,
Ишаршца иэс хьоьсту бераллин денош?..

Сан дегИах хьерчаш ду сиркхонийн дарц,
Ойланехь аш дина баннаш а дегош.
ТИаьххьара шун верас сан дог бен дац.
И сацахь лийр ду шу-м, бераллин денош…



Ностальгия по детству?!Нет ,не думаю..Скорее ето понимание ,что самое лучшее,самое искреннее ,самое беззаботное и красивое время жизни ушло... Ушло все ,что было с этим связано.Когда во взрослой жизни надоедает бороться с "ветряными мельницами",когда устаешь от человеческой черствости ,жестокости и равнодушия,так хочется вовратиться назад в детство и укрыться там.Но поздно...Не будет этого больше,ушло оно...Нелегко ето принять,смириться с этим!Но придется...

__________________
Однозначно-нет!(ц)

http://ru.youtube.com/watch?v=62jO0I...eature=related