so jar isam

--------------------------------------------------------------------------------

Делан лайн ойланаш

Суьлхьанаш-кепекаш оьхкина писаллин тай тIе,
Рицкъано Iехийнарш шайтIанна мэл кхайкхош бу.
Со-м тасбихь доккхуш ву ваккхале суо Сирта тIай тIе.
Со Делан кхетамехь Махьшаран майданхо ву.

КъорIано кула йо озачу ийманан дайшна.
Уьш дуьне тIекхетарх тешна бу, шаьш кхетта лахь.
Маликийн шапаIат кхочур дац Иблисан лайшна
БIешерийн ченашлахь, седарчийн буьртигашлахь.

Есаллин кIоргенехь цхьа шовкъе хьийзаш ду Латта,
Малхо а, Батто а ца дойтуш бодане гIел.
Дала ша пурба луш декъашна эхартахь гIатта,
Эххар а хьарчор ю Iожалла дахарна кIел…

Iилман Юсупов

__________________
Однозначно-нет!(ц)

http://ru.youtube.com/watch?v=62jO0I...eature=related

so jar isam

Сан хьиэ лийса ларор яц хьуо моттаделла ойла,
Ас хьуо сихха дIаяздарна кхераделла дош.
Ашшиммо со Iамий (Дала сий шуьшинна дойла!),
Сих ца вала деган орца халкъан кхиэле хьош…

__________________
Однозначно-нет!(ц)

http://ru.youtube.com/watch?v=62jO0I...eature=related

so jar isam

--------------------------------------------------------------------------------

* * *

Хьан бIаьргаш чохь пелаг хьедан хIутту гIайгIа-чIара,
Ирсан бIаьрхиш лакъор лоьруш коьрта Iалашо.
И-м схьабаьккхи сан бIаьро, шех хуьлуш дашо мIара,
Лара ца бойтуш хьан дагчу боьха Iаь лашон…

ХIинца-м хьан бIаьргаш чохь ловзуш, маьлхан азанаша
Ахь кхоларшна караделла хьажар дохдина.
Дуьзна балдаш мерза кхолуш дешнийн цIазамаша,
Сан даго шен Iаьнарх хьуна бацон мох бина.

Сан гIевланга цуьнца хIотта ахь цкъа нигат делахь,
Сан набаран дилха огуш, гIенийн сур лаIа…
Нагахь санна, дерриг дуьне ялсамани елахь,
Цунна чохь а яц-кха тIаккха хьо бен хIуьрлаIа!..

Дуьне – петар хьайн хиларан ойланах хьуо юлуш,
ЦIийх ийна хьайн синмаликаш хьуна гахьара!..
Уьш ма ду ас гIоьнна хьехна, деган пондар булуш,
Тайна мукъам балабайта сайна тIаьхьара…

Даго хьоьху: нагахь санна, со ца хилча хIара
ЦIена илли ала, хьан сий кховдош хастаме,
Хьан куьцана хьогIо морса марчо дустур дара,
Наха хьуна каш а доккхуш – дийцар дастаме…

Iилман Юсупов

__________________
Однозначно-нет!(ц)

http://ru.youtube.com/watch?v=62jO0I...eature=related

so jar isam

-------------------------------------------------------------------------

Газель

Хьоьх ен ойла – олхазаран накха санна, кIеда,
Ахь сан дагчохь бина болчу бенчуьра схьакъеда.

Ткъа хьан Iаьржа месаш ма ю – малхал сирла бодаш,
ХIора мас-зIаьнар шайн векалйинарш сан сатедан.

Хьан бIаьрхиш ду стелаIодан цIийнах девлла дерзаш,
Дуьне суна таз ма-делли, уьш сан кийра леда.

Со-м ца воллу хьан лерсине дешнийн дуьйраш кхийдош –
Иллех яьлла Iов луьйсу ас хьан кхолламан кеда.

Хьан къоналлин билзигах ша тай дуцахь а, зама
Яьхьар яц хьан беснийн демах шерийн ахьар иэдан.

Чухчахьеран суьлхьанаш сан бIаьргийн карахь хьийза,
Царна юкъахь молла хили хьо – Iилманан седа…

Iилман Юсупов
__________________

__________________
Однозначно-нет!(ц)

http://ru.youtube.com/watch?v=62jO0I...eature=related

so jar isam

Хадийна поп

Хьайн генийн кегйина тIаьрзенаш дIаса а
Тийсина, хьо-м Iуьллу белла…
ХIаваэхь хIинца а дIабанза хетало
Хьан озан йилбазан мохь.
Хьан дагах ямарта катоьхнарг
Вуьсийла эндаже шен са малделла –
Дагаран кIайн ткъесаш орамийх деттарца,
Божий цо лаьтта хьан бохь.

Орамийн чуьйраш шайн кара а яржийна,
БIарзъелла бецаш ю тийжаш,
Делхадеш дагаран татано хелигийн
ДогIмашка кхарстийна зуз…
Бохамо кхоьллинчу лазамна садетташ,
Iаржбелла малх кийрахь Iийжаш,
Аьхке ю шовданийн бIаьрхишца дIабуьттуш
ЦIийх буьзна зезагийн куз...

ТIехъэккха ца лууш, кхуза схьахьаьвззашехь,
(Маьхьарца хьо бужуш гина),
Хьан дегIан йозалла тIейоьжна, лазийна
Акхаройн тачанан ног…
Саэца тIевогIу зуламхо хилла ахь
Шинакоган диттах тарвина?
Эсала цициг ду моьттуш, тIедитира
Ахь цуьнан месала дог?...

Кегийра шайн буйнаш оьгIазе къевллинчохь
Садаьлла, Iохку хьан гIаш а.
Ас муха туьдур ду царна хьан баьццарцу
Бохь-лакхехь мел гина гIан?
Iаьржачу зарзарийн сибате дирзина
Хьан генийн дайн IиндагIаш а
ТIома дIадахана, ца лууш къизалла
Ехачу кху лаьттахь Iан…

Докъан бос эцна хьан ковст яа хIоьттина
Дечиган сутара нIаьна.
Шийлачу дилхалахь карабой, огу цо
Хьан довха мутт лелла пха…
Луьстачу хьуьнах хьан тезетахь лаьтта со
Къеначу пепнашца цхьаьна,
Акхаройн кIенташа хьан дегIан чорхана
Гонаха хIоттадой ха…

БIаьрхиша тIундина хьан юьхкан юьхь-сибат
ЦIийн баса дахана, зийза.
Цунна тIехь гонаш – хьан оьмаран шераш –
Ма кIеззиг ду дIадагардан.
Ахь баннаш техкийна олхазарш мархашлахь
Хьан синна къубба еш, хьийза:
Малхана, баттана бегIийла хилийта
Шайн нуьре доIанаш дан…

Зуламо вахийна, къизаниг, схьагарехь,
Говр-ворда ялон вахана –
И-м диттийн декъех шен пеш юззуш,
ЦIе ягош, вохвала Iемина хир…
Цтхьабакъду, къизачу йовсаран лар лохуш,
Ондда бIo-м гIаьтти тахана:
Со теша, дуьненан дитташа юьтур яц
Ца йоькхуш шайн вешин чIир…

Iилман Юсупов

__________________
Однозначно-нет!(ц)

http://ru.youtube.com/watch?v=62jO0I...eature=related

Amazonka2

***
Хьайн месийн ча тухуш бина шовкъийн поппар дашо
Сатийсамийн цIенош хьохуш чекхбаьккхи-те ахь?
Ахь матта кIел Iалашдинчу бехкамечу дашо
Ша-шех догуш хIоттийна-те хьан бIаьргаш чу къахь?

Шех кхин суна са хир йоцу кху ойланийн баккхал
Хьанна гайта лууш, ерзийна ахь сан хьиэ чу?
Цо сан кийра, цхьамза санна, Iуьтту Iоттабаккхам
Лан ма атта дац-кха суна - са карзахечу...

ГIайгIано хьан ойланаш тIе IиндагI тасахь гIеххьа,
Милт ахь хьалаийзарх, гIийла хир бу хьан стогар:
Ирсан буьйсанаш сан оццул Iаьржа хиллашехьа
Хуьлуш ду сан месашлахь а наггахь кIайн чо гар.

Синхьааман моз а, иштта сингаттаман стим а
Со-м цхьатерра хьокхуш варий сайн безамна тIе.
ХIинца-м дог сайн хета тхин тIадамал бIозза жима -
Оццул йоккха цхьалла цу чу муха тарло-те?

Шимма кхин дIа лар ца бинчу синхааман къина
Суна цхьанна аха диси вайн къастаран урд...
Со вицвинчу цу хьан деган шагатIулгах дина
Хуьлда тIаккха ахь сан ирсан коше доьгIна чурт...

Iилман Юсупов

__________________
Ирсан гIазот доккхуш со хьан дагчохь кхелхина…

Lara

СОНЕТ

Хьан мерза тIеIаткъам ас хIаллакби -
Тоийта хьайн куьцан чиркх суна багор.
Ца аьлча ца волу: ца хьийза кхин
Къайллах хьан тидам беш, бIаьргашна бIагор.

Букарчу сайн шерийн бодане Iин
Дити ас хьан месийн серлонца къагор,
ХIетте а, кхоьруш ахь лачкъорна и
Сайн дагна керт йи ас массо а агIор.

Син Iаьршахь Iалашдеш хьан куьйгийн нур,
Ахь кхаьбна гIан лоьIуш, ца лоьху там ас.
Сан иэсах бетташ хьайн аматийн кур,
Ма гIерта галдаккха сан цхьаллин ламаз,

Со воьрзуш ца хилча хьайн шовкъан дине,
Ма кхийдадехьа соь хьайн дегIан дуьне...

Iилман Юсупов

__________________
Я - лучшая. Кто против - для тех существует путь в обход.

Lara

Езаче

Дуьненан тIулгаш тIехь екош сайн дахаран ворда,
Хьан дегIан синтарна гуо туьйсу де-дийне ас.
Цхьа къурд бен ца оьшу суна-м хьан марзонан хIордах,
Цкъа лерса хьасттал бен ца оьшу суна-м хьан аз.

Ма-хуьллу тийсалуш сингаттам олучу ломах,
Сайн дахар такха со кийча ву хьан дагна хехь,
Мотт Iоттал хьаса бен ца оьшуш хьан ирсан чомах,
Ког биллал меттиг бен ца лоьхуш хьан ойланехь.

ХIун ду ас хьан корехь зевнечу иллица хьабарх
Сайн оьмар чехаеш, бегабен бIешерийн пен?
Со оьшуш вац хьуна цхьа суй бен ахь ечу набарх,
И суна тоьар бу къагабан хьан гIенийн бен.

Мацца а йоьссича сан даг чу Iожаллин гIура,
Сирта-тIай тIехула сан ваха дезар ду дIа.
Со лоьхуш вац хьуна серло бен хьан куьйгийн чкъуран,
Ахь доьIуш долчу син Iаьнарх со тоам беш Iа.

Сан оьмар тIехьерчош, хьийзаш ю заманан сема,
ГIеметта хIоттар а схьакхечи, оллийна цIом.
Ткъа суна-м ца оьшу цхьа цинц бен хьан беснийн деман,
Хьан баьргийн цхьа бIаьца тоийта хьожур ву со-м

Iилман Юсупов

__________________
Я - лучшая. Кто против - для тех существует путь в обход.

Enigma*

Газель

Хьоьх ен ойла – олхазаран накха санна, кIеда,
Ахь сан дагчохь бина болчу бенчуьра схьакъеда.

Ткъа хьан Iаьржа месаш ма ю – малхал сирла бодаш,
ХIора мас-зIаьнар шайн векалйинарш сан сатедан.

Хьан бIаьрхиш ду стелаIодан цIийнах девлла дерзаш,
Дуьне суна таз ма-делли, уьш сан кийра леда.

Со-м ца воллу хьан лерсине дешнийн дуьйраш кхийдош –
Иллех яьлла Iов луьйсу ас хьан кхолламан кеда.

Хьан къоналлин билзигах ша тай дуцахь а, зама
Яьхьар яц хьан беснийн демах шерийн ахьар иэдан.

Чухчахьеран суьлхьанаш сан бIаьргийн карахь хьийза,
Царна юкъахь молла хили хьо – Iилманан седа…

Iилман Юсупов

__________________
Цхьаннан меттана итт вог1ур ву!

vesy

***
Кхаж баьлла керлачу гуьйрене кхин цкъа-ъ ладогIа,
Со хьуьнах лелаш ву, къорза куз когашца хьуьйш.
Мохк хуьйцу олхазарш ма-гиннехь, сайн шерийн могIа
Сийначу стигалахь хетало царах дIауьйш.

Белхаме и аьзнаш дIадайча льмнашна тIехьа,
ЦIеххьанчу ойлано кхетамехь кхуллу-кх цхьа вас:
БIаьсте ма-яьллинехь, олхазарш доьрзур ду цIехьа,
Амма сан дIадахна шераш кхин схьадогIур дац.

Хетарехь, иштта сан дахар а дIагIур ду хецна,
Дуьненан майданахь шозлагIа бIаьсте ца гуш.
ЧIагIдо и стиглано - лепачо сира бос эцна,
Мархаша - дIалаьцна Iачара сан маьлхан гIуш.

1илман Юсупов
__________________