|
|
|||||||
| Проза/Поэзия Искусство образного выражения мысли в слове; изображение жизни, создание художественных образов при помощи слова. |
 |
|
|
Опции темы |
03.09.2008, 13:50
|
#1441 |
|
Честолюбивая чеченка
 
Регистрация: 20.02.2007
Адрес: In Y.H.
Сообщений: 3,996
Репутация: 9   |
* * *
Еларан малхаца къагадеш сан кхиэлан баххьаш, ГIортахьа башо сан дагтIера гIайгIанан ша. Хьуна ца моттийта со вогIу тешнабехк бахьаш, Хьан кераюккъе ас даржадо сайн цIена са. Хьан куьйгийн серло а, сан сих схьаIийдалун нур а Хирг хиларх со теша вовшашца Iаламат товш. Цаьршиннан барт гича, ешар ю гIайгIанан гIура, Вайшиннан дегнаш чохь хир яц и кхин меттаххьовш. Хьан васто бол битахь сан дагалецамийн хьерахь, Кхехкор ду безаман шовкъо сан дагчуьра мутт. Хьо юххехь хилча, соь дагарло седарчийн терахь, Хьо гена ма-яьлли, чубужу стиглара бутт. ГIийбатан букъ кагбеш, йолахьа тешамна берта, Хьайн куьцан хьурматна со лардеш хилча хьайн сий. Со-м реза ву хьуна гIаш ван а хьан гIенийн керта, Ирачу тIулгаштIехь тийсахь а когашна цIий. Ас хьуна гатдина са хIинца дуткъа ду тайл а, ХIетте а, сан денойн той ду-кха хьо ирсе гар. Дашочу хьан дагчохь хIумма а ца доьду къайла, Гуш санна даточу лайтIера массо а лар… 1илман Юсупов |
|
|
|
03.09.2008, 13:51
|
#1442 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,996
Репутация: 9 |
Къийсаме
Иллин багахь лозуш хилла дешнаш-цергаш тий сан-м, Ахь ца делча суна цаьрца кегдан шовкъан бIараш. Хьа-м ма бара хьайн тешаме мурд со лоьруш къийсам, Соьга ахь кхин ир ца йойту хьайн болатан мIараш?.. ХIоьан чкъуьйриг сана, готта хIара томан оти, Дог таIочу синхьааман буьйра лешон долу. Сатийсаман шахьар хилла йилбаз-гIала отий, Синтоам шен мисарболат даг тIе леца болу…. Кху дуьненан духхьарлера дакъа санна, цхьалха Дуьтуш и сайн иллин туьран буьххьехь карзахвийлар, Синтемзаллин цIокалара волу со-м цкъа хьалха. Цул тIаьхьа тIедужу сунна кIадо марахь къийлар…. Къийсам, аса-м синтем бустош, дегайовхо а йийна — Цуьнан дилханан цуьрг — со — Iа цхьаллин цергах лета… Ас кхетаман бIаьрса-ъ лахий, ойла муст а йина, Бендацаран къорза лаьхьа сунна уллехь сета… Меттан шалго хьалаIуьттуш, синхIуо элах кегош, Ла ца луш сан озан б1аьрхиш, къинхетаме лешарш, Шен кIамлучу дегIан чIагарш инкарлонца легош, И-м шакарца зарзъян гIерта хьо хестийна эшарш… Сан лехамийн бIона оьшу хьан тешаме байракх — Нийсонна хехь даим дитташIуьйра лаьтта тарраш! Ирдайтахьа соь уьш наггахь, яош шерийн гIайракх! Хьакъвеш со а, толам базбеш, тоха онндда тIараш! Схьалохьа сан иллин лазам — шовкъан маса бера, Хьай стогаллин малхехь къагош синмаьждиган момсарш. Хьажал хьо-м сан иллин бага: яц кхеманах тера Хийла зулам дIатабийна дешнийн ира кIомсарш…. 1илман Юсупов |
|
|
|
|
03.09.2008, 13:52
|
#1443 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,996
Репутация: 9 |
ХЕБАР
Суна хIинцца-хIинцца ги-кха сайн хьаьж тIера хебар. Шера гойту цо сан дагна шийла шераш тиебар. Луьра лаьхьа санна, сетта къацахета хебар, Хазахеташ, куьзга гича, ас сайн бIаьргаш хьеббар. Сан сиркхонийн-салтийн сема саьнгар ю-кх хьо, хебар, Дезаш хьайна хьаставелла, мотт ас гара лебар. Сан къоналлин татол идда харш ду-те хьо, хебар, Хьайна тIе соь йотта бохуш бIаьргийн ший а зебар. Сан ах дахар дIахадийна сиз ма ду хьо, хебар, Хьарам дуй-те хьуна гуш сайн дагалецам хьебар? Коша баха безаш болчу некъан га - сан хебар, Сан Iожаллин лараш хьуна тIехь а ю-те дебар? 1илман Юсупов |
|
|
|
|
04.09.2008, 23:28
|
#1444 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,996
Репутация: 9 |
* * *
Вовшашка хьошалгIа неI тухий ца доьлху синош. Седано седане дош олий ца босту мотт. Безамо, дагардеш шен махкахь летийна къинош, Хьесапе ца оьцу, къийлалуш, вай етта чот. Ас хьуна диллина латтадо сайн деган кораш, Хьо баттах таръелла царна чу кхетийта кIайн. ХIетте а, син уьйтIахь шершадеш доIанийн нораш, Ас къинойх дIацIанбо хьоь болу синхаам сайн… 1илман Юсупов |
|
|
|
|
04.09.2008, 23:29
|
#1445 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,996
Репутация: 9 |
Беттан суьрташ
Седано шен негIар дегон бIаьрг ма-билли хьала, ГIурту бутт шен чIама корта мархийн чета болла – Оцара-м, ткъа, цIокъболат тIе лоьцуш, ийци хьала Дахкаро хийисте боьгIна хилла бамбин хIоллам… Сирла чорпа ерриг лаьттан кийра тар ца елча, Бутт бу кийча дIо лаьмнашна тIехьа дIаIано а… …Вайша вовшийн бIаьрга доьдуш, ши дог тохаделча, Шен шабарийн чиркх чуузу диттийн доIано а… Беттан меда Iаж гиболла ша-ша хьакъ ю моьттуш, ЗIаьнарш-мехий сийсон йовлу дIо седарчий зуьнаш… …Махо, белшах куьг а детташ, суна тIе хьуо тоьттуш, Хьан йохьана-м чIогIа тайна сан бехкаман хьуьнарш… Баттана-м гуш ду вайн синойн когабуьхьархIиттарш, Хьуна гаьнгали бан кийча мархийн сира гата, ГIадожаран маттахь къайллах луьйн хьан бIаьргаш-дитташ, Хьостан хи чохь зорбакхетта хьан кIайн юьхь-сибат а… 1илман Юсупов |
|
|
|
|
04.09.2008, 23:30
|
#1446 |
|
Честолюбивая чеченка
Регистрация: 20.02.2007
Адрес: In Y.H.
Сообщений: 3,996
Репутация: 9 |
* * *
Сан гIайгIанан дилха датIош, доккхуш дато нур чекх, Жил-Iаламан керахь хьийзаели маьлхан урчакх. Стигал ма-ю дIасадаржош шен зIаьнарийн чIораш, Доьллу цо сан нана чохь Iаш йолчу цIийнан кораш. Ницкъан барам нис а бина, сарахь ша дIатуьйрриг, Мох а листа болабели мархийн къоьжа уьйриг… Дерриг дуьне дуьзна хета гезгамашин теша – Со-м уьш мархийн билзигех схьадевлла хиларх теша. Сатийсамо хIинций-хIинций бохуш, са ца Iуьйддург, Шуьйра теси аьрзуно а стиглахь гуо – цхьа туьйдарг… …Беран хенахь нанас суна юьйцина ши пазат Зарз а елла, сан оьмаран когаш бовларх азат, Шен чилланах мел дозалла деш дерг а къар до Iа: Сан некъ бохбеш лела дела ненан довха доIа. Сан къоналлин гIушлакхехь цо дуьйцина ши кара Дарцо угIош йолчу арахь со дожийна вар а Нана восе хетта дац-кха, со шен дагах хьерчаш, Цунна го сан кхин каранаш – къинхьегаман берчаш… Iалам ахь хIун барзакъаш сан нене дуца боху? Оццул боккха гIирс а бахьаш, хьо-м тхан керта догIу! Ма-ттов шуьйра туьйсуш долчу туьйдаргашла Iенош, Со гIеметтахIотталц шорта дара ненан денош. ХIинца-м, ткъа, уьш дIадевллачийл вуно кIеззиг хета – Тегар бен, кхин хIума юцар дац-кха ненан, хIета: Дуткъделлачу синан хьесий дохкуш бIаьран меха, Кхиэлан эвнна готта-готта лол бетташ и еха… 1илман Юсупов |
|
|
|
|
06.09.2008, 18:16
|
#1447 |
|
Беркате к1удал..)
 
Регистрация: 30.11.2006
Адрес: Нохчийчоь, сирла Нохчийчоь...
Сообщений: 1,615
Репутация: 6 |
Езаче...
Дуьненан т1улгаш т1ехь екош сайн дахаран ворда, Хьан дег1ан синтарна гуо туьйсу де-дийне ас. Цхьа къурд бен ца оьшу суна-м хьан марзонан х1ордах, Цкъа лерса хьасттал бен ца оьшу суна-м хьан аз.. Ма-хуьллу тийсалуш сингаттам олучу ломах, Сайн дахар такха со кийча ву хьан дагна хехь, Мотт 1оттал хьаса бен ца оьшуш хьан ирсан чомах, Ког биллал меттиг бен ца лоьхуш хьан ойланехь.. Х1ун ду ас хьан корехь зевнечу иллица хьабарх Сайн оьмар чехаеш, бегабен б1ешерийн пен? Со оьшуш вац хьуна цхьа суй бен ахь ечу набарх, И суна тоьар бу къагабан хьан г1енийн бен.. Мацца а йоьссича сан даг чу 1ожаллин г1ура, Сирта-т1ай т1ехула сан ваха дезар ду д1а. Со лоьхуш вац хьуна серло бен хьан куьйгийн чкъуран, Ахь доь1уш долчу син 1аьнарх со тоам беш 1а.. Сан оьмар т1ехьерчош, хьийзаш ю заманан сема, Г1еметта х1оттар а схьакхечи, оллийна ц1ом. Ткъа суна-м ца оьшу цхьа цинц бен хьан беснийн деман, Хьан баьргийн цхьа б1аьца тоийта хьожур ву со-м..
__________________
".. Г1енаш, сан эсала г1енаш, мичахь ду шу хаза т1емаш? Йига со б1арлаг1ийн махка, сайн ирсан аганчохь тахка...." (с) |
|
|
|
|
06.09.2008, 18:24
|
#1448 |
|
Беркате к1удал..)
Регистрация: 30.11.2006
Адрес: Нохчийчоь, сирла Нохчийчоь...
Сообщений: 1,615
Репутация: 6 |
Сатоссуш...
Нилхачу бодашкахь шен дег1ах ч1агарш еш, сетта Дог1анан 1овраша юкъ-кара хедийна некъ… Зарзъяла г1ертачу мархашна махо лол бетта, Т1уьначу кулла т1е оллало дахкаран бекх.. Гуьйренан сатасар цхьа доккха хетало лаьттахь. Тийналлин йийсарехь со суо а цецваьлла 1а Хьо сайна карорах йист йоцчу дуьненан хьаьттахь, Ахь сайна дош даларх соьца ян мичча а д1а…
__________________
".. Г1енаш, сан эсала г1енаш, мичахь ду шу хаза т1емаш? Йига со б1арлаг1ийн махка, сайн ирсан аганчохь тахка...." (с) |
|
|
|
|
06.09.2008, 18:26
|
#1449 |
|
Беркате к1удал..)
Регистрация: 30.11.2006
Адрес: Нохчийчоь, сирла Нохчийчоь...
Сообщений: 1,615
Репутация: 6 |
Сан ненан меттара сатоссуш хьала а г1оттий,
Сан когех хьаьрча некъ - дийнахь сан бан безаш берг. Ткъа, самаволлушехь, соьга цкъа хьал-де а хоттий, Со кхарста к1амво цо, хуьлий сан боцуш ца терг… Ткъа, буса, набаро хьаьстича сан зийза к1ажош, Мел ч1ог1а к1адбаларх, шен хеннахь ца буьжу д1а: Боьдий, д1ахотталой сан ненан нилхачу к1ажарх, Со ларвар доьхучу до1ане ладоьг1уш 1а…
__________________
".. Г1енаш, сан эсала г1енаш, мичахь ду шу хаза т1емаш? Йига со б1арлаг1ийн махка, сайн ирсан аганчохь тахка...." (с) |
|
|
|
|
07.09.2008, 02:01
|
#1450 |
|
Согревшийся
Регистрация: 28.07.2007
Адрес: Маьлхан Дуьне
Сообщений: 495
Репутация: 2 |
* * *
Сан дагалецам, хьо – жайна ду сан ойла тееш, Дацахь а хьоьстуш хьайн могIанийн къепенца бIаьрг. ХIун лоьху техьа ас, ширъелла агIонаш хьееш, Кехатан совра тIехь къаьсташ а ца хилча хьаьрк? Сан дагалецам, хьо – мохь бу ас гитоьхна бахьаш - Яьгна дIаевллачу сайн дегайовхонийн кIурз. И кегош, ас хIунда лоьху те сайн ирсан баххьаш, Цкъа мацах езаче кховдийна зезагийн курс? Сан дагалецам, хьо – сан деган чов ерзон динберг - Хьо цуьнан дарба ду дуьненчохь доцуш ца терг. Хьоьца ду сан хилларг, со велла дIаваллалц хиндерг, Дерриг а тахана ас сайца Iалашдеш дерг. 1илман Юсупов
__________________
Ирсан гIазот доккхуш со хьан дагчохь кхелхина… |
|
|
|
Тешаме-тешаме, эсала-эсала...© 
.
