1илман Юсупов - стихаш - Страница 140

**цветок Зандака** · 30.08.2008, 03:36

Сатоссуш

Нилхачу бодашкахь шен дегIах чIагарш еш, сетта
ДогIанан Iовраша юкъ-кара хедийна некъ…
Зарзъяла гIертачу мархашна махо лол бетта,
ТIуьначу кулла тIе оллало дахкаран бекх.

Гуьйренан сатасар цхьа доккха хетало лаьттахь.
Тийналлин йийсарехь со суо а цецваьлла Iа
Хьо сайна карорах йист йоцчу дуьненан хьаьттахь,
Ахь сайна дош даларх соьца ян мичча а дIа…

1илман Юсупов

**цветок Зандака** · 30.08.2008, 03:38

* * *
Огаран аренах къежделла д1адаха
Сан сийна, муттане денош.
Сан дагна гергара хиллачу хийистехь
Г1аьттина боьмаша шач…
Х1ун бала бара хьо дагаян,
Чов йостуш, пайденза дешнаш а 1енош?
Кхолламо биллинчу новкъара юха а
Со х1унда вели-те лач?

Ойланехь мел йинчу ч1аг1онца гамвелла,
Кхетаман буйнара ваьлла,
Ас х1унда лоьху-те дахаран мангало
Цкъа мацах даьккхина кес?
Сан шерийн дарцаша-м тоххарехь йижийна,
Ерриг а сирйина яьлла
Гилано-къоналло дозалла щех дина
1аьржа варкъ диллина кхес….

Х1етте а, х1етте а сан дагалецамийн
Легашкахь хьан сибат лаьтта,
Сан г1енийн хьошаллех хьо 1аба ца туьгуш,
Синтемза 1ийжа сан дог…
Цкъа дагалацахьа вайшиннан безамо
Сендина б1аьстенан латта,
Хийисте вай ший а д1адоьхуш,
Бацалахь тачано йиттина ног…

…Зарзарийн аьзнаша б1аьстенан к1уьралахь
Хьан озан пиллигаш хьедеш,
Эвхьечу мукъамо аьхна кадиттира
Самалхадаьллачу сих.
Беттан нур даьржича хьан ч1агарш лепаеш,
Т1етт1а сан дог доккхадедеш,
Лалийна к1айн деши иэделла хетара
Апари хьоьстучу хих…

И оьзда мукъамаш цкъа карлабовлийта
Тахана со хьаьгна вацахь,
Г1олда-кха т1аккха сох лаамо цистинчу
Бехкаман буржалийн къа.
Г1ан туьду ойланаш нагахь сан бакъ елахь,
Со-м цкъа а вицвина вац ахь.
Цундела оху ас, б1аьсте а ялале,
Сайн дегайовхонан кха…

Цундела лоьху-кха сайн деган сайра чохь,
Кароре ч1ог1а сатесна,
Ас хьоьца яьккхинчу йоццачу цу хено
1аь тухуш, ц1андина х1у.
Буьртиг карийча а, кха эрна ца дайта,
Даггара цу т1е и тесна,
Къоналлех хаьддехь а, и деба-ца деба
Хьежа а-м со кийча ву…

1илман Юсупов

**цветок Зандака** · 30.08.2008, 03:39

* * *
ЦIегIачу догIмашца меттах а хьуьйш,
Мархаш Iа малхана тIехьа.
Дешица кхелина ю-техьа уьш
Я мекхаш йиъна ю-техьа?

Суьйрено сирачу куьйгашца шен
Эгна гIаш даржадо новкъа.
Эхьхетча санна Iа малхбузе цIен,
Къайле гуш шовданан шовкъан.

Гоьмукъах терра бу ламанан бохь,
Малх гIерта цу буьххье хаа.
Юха а чов йинчу зIаьнарийн мохь
ХIуттур бу сан синтем баа…

1илман Юсупов

**цветок Зандака** · 30.08.2008, 03:40

Аьхкенан тIаьххьара де

Дахлохьа, аьхкенан тIаьххьара де,
Ца сихлуш дIадаха гуьйренан йочане.
Хин хоршах ма тарбе сацкъаран коча некъ,
Серлонна, йовхонна ма тоха пе.

Баьццарчу хьайн вастах ма ваккха со.
Хьуо дахлуш, хьайх хьегар цхьажимма дацдехьа.
Кхин цкъа а хIуттутан аз хезар дац-техьа
Багарбеш сан шерийн азбелла бIо?

ХIинца а марздина хетало хьо
Зезагийн кортош тIехь кхиъначу дургало.
Хьо лоьхуш къорзачу полларчийн сур гаро
ГIайгIане делахь а, хьо нуьре до.

МIаьргонийн мор буьллуш хьайн тускар чу,
ТIехула хьовзалахь зезагийн аренна.
Айхьа бен дийр доцург ма дита кханенна,
Эсаре кховдадеш хьайн цIена хIу.

Ма Iитта хеназчу шелонан ю.
Мархаш а ма мустъе стигалан боганахь.
Сайн дагалецамийн тоьллачу оганахь
Ас хьуна йитина цхьа меттиг ю.

1илман Юсупов

**цветок Зандака** · 30.08.2008, 14:49

***
Дала шайх къинхетам бинчийн похIма ду -
шен хеннахь дахарера дIаластар.
Адамашлахь и кхоччуш карадирзина - поэташна,
ткъа, зезагашлахь – бежIуьнан баппанашна.

1илман Юсупов

**цветок Зандака** · 30.08.2008, 14:50

***
Ахархочун къизачу маьрсо
хадо кечбинчу ялтин кенан Iадор
гIенах дуьхьалтесча
дуьненчу далазчу беран са
набарха лен долало...

1илман Юсупов

**цветок Зандака** · 30.08.2008, 14:51

* * *
Лайн чимийн мотт буьйцу жоп доцчу безамо,
ГIайгIанах-доттагIчух и дIа-м ца къастало.
Ткъа, дешнаш – лайн чимаш – сан дагна – беза мохь:
Цо и ги буьллушехь, шира чов ястало…

Ойлано пал тосу: «ДIахьулбан беза муо,
Зезагаш тIе дуьйгIуш, чов дIа ма-йирззинехь…»
Амма, мел малх хьажарх сан деган ирзене,
Луо даша-м дуьтуш дац жоп доцчу безамо…

1илман Юсупов

**цветок Зандака** · 30.08.2008, 14:52

* * *
Хьан дагна гIенах гахь акхтаргийн заза,
ЙогIучу бIаьстенна со вицлур вац.
Цаьпцалгийн зов хир ду бацалахь хаза,
Бекхна дIахIуттур бу ламанан арц.

Дийцахьа суна хьайн гуьйренан гIенаш,
Мел лууш вацахь а уьш тида со:
Мажделла гIаш оьгуш, дассалуш генаш,
Суна вайн къастаран бIарлагIа го.

Хьайн Iаьнан гIенашца сан кораш кхала
Хьо йола ма-елли, ас ойла йо:
Ахь ша тIехь йина-те сан ирсан гIала,
Я суна сайн дахар лайн басахь го?

1илман Юсупов

**цветок Зандака** · 30.08.2008, 21:54

***
Юьхь тIехь хазахетар-бIаьсте яьлла
БIаьргийн-диттийн ма самалхадаьлла!
Царалахь цхьа суйнаш лепа хаза -
Безамо бен хьоьстуш доцу заза.

Даг чу халахетар-гуьйре йоьлла,
БIаьргийн дитташ цхьаллин махах доьлла.
Церан меда бIаьрхиш, лаьтта оьгун,
Стоьмаш бу шайх гIайгIа бен ца хьоьгу.

ХIора синхаам сан хьаьвза готта-м,
Лохуш шена тайнна хенан хIоттам...

1илман Юсупов

**цветок Зандака** · 30.08.2008, 21:55

Дагахьбаллам

Ойла ца еш ас хьан сина дина халахетар
ТIедазделла, балехь бу сан стихийн хIора могIа…
Ма зовдаха тIера дара хьан эсалчу деган хедар
Сан сихаллин моханечу дешнийн чIиркъе догIа.

И дIахудуш, саьхьарбаьлла сан шеконан орам
Гирий хьуна, цIубдар санна, вайн безамах бекхаш?
ХIетахь чIогIа хало ларна, дагна хилла хорам
ДIа ца болуш, дукъделла ду cан синтеман легаш…

Ирс хиллий-цца йокъанехь а таро йолуш хьекъа,
Йочанера гIо ца лоьхуш дегнийн кораш дила…
Лууш ву сайн бIаьргийн стигал даим Iахар къекъа,
ДогIа теран билгалонна хьан стелаIад хила!..

1илман Юсупов

30.08.2008, 03:36	#1391
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	Сатоссуш Нилхачу бодашкахь шен дегIах чIагарш еш, сетта ДогIанан Iовраша юкъ-кара хедийна некъ… Зарзъяла гIертачу мархашна махо лол бетта, ТIуьначу кулла тIе оллало дахкаран бекх. Гуьйренан сатасар цхьа доккха хетало лаьттахь. Тийналлин йийсарехь со суо а цецваьлла Iа Хьо сайна карорах йист йоцчу дуьненан хьаьттахь, Ахь сайна дош даларх соьца ян мичча а дIа… 1илман Юсупов __________________ Тешаме-тешаме, эсала-эсала...© ..

30.08.2008, 03:38	#1392
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	* * * Огаран аренах къежделла д1адаха Сан сийна, муттане денош. Сан дагна гергара хиллачу хийистехь Г1аьттина боьмаша шач… Х1ун бала бара хьо дагаян, Чов йостуш, пайденза дешнаш а 1енош? Кхолламо биллинчу новкъара юха а Со х1унда вели-те лач? Ойланехь мел йинчу ч1аг1онца гамвелла, Кхетаман буйнара ваьлла, Ас х1унда лоьху-те дахаран мангало Цкъа мацах даьккхина кес? Сан шерийн дарцаша-м тоххарехь йижийна, Ерриг а сирйина яьлла Гилано-къоналло дозалла щех дина 1аьржа варкъ диллина кхес…. Х1етте а, х1етте а сан дагалецамийн Легашкахь хьан сибат лаьтта, Сан г1енийн хьошаллех хьо 1аба ца туьгуш, Синтемза 1ийжа сан дог… Цкъа дагалацахьа вайшиннан безамо Сендина б1аьстенан латта, Хийисте вай ший а д1адоьхуш, Бацалахь тачано йиттина ног… …Зарзарийн аьзнаша б1аьстенан к1уьралахь Хьан озан пиллигаш хьедеш, Эвхьечу мукъамо аьхна кадиттира Самалхадаьллачу сих. Беттан нур даьржича хьан ч1агарш лепаеш, Т1етт1а сан дог доккхадедеш, Лалийна к1айн деши иэделла хетара Апари хьоьстучу хих… И оьзда мукъамаш цкъа карлабовлийта Тахана со хьаьгна вацахь, Г1олда-кха т1аккха сох лаамо цистинчу Бехкаман буржалийн къа. Г1ан туьду ойланаш нагахь сан бакъ елахь, Со-м цкъа а вицвина вац ахь. Цундела оху ас, б1аьсте а ялале, Сайн дегайовхонан кха… Цундела лоьху-кха сайн деган сайра чохь, Кароре ч1ог1а сатесна, Ас хьоьца яьккхинчу йоццачу цу хено 1аь тухуш, ц1андина х1у. Буьртиг карийча а, кха эрна ца дайта, Даггара цу т1е и тесна, Къоналлех хаьддехь а, и деба-ца деба Хьежа а-м со кийча ву… 1илман Юсупов __________________ Тешаме-тешаме, эсала-эсала...© ..

30.08.2008, 03:39	#1393
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	* * * ЦIегIачу догIмашца меттах а хьуьйш, Мархаш Iа малхана тIехьа. Дешица кхелина ю-техьа уьш Я мекхаш йиъна ю-техьа? Суьйрено сирачу куьйгашца шен Эгна гIаш даржадо новкъа. Эхьхетча санна Iа малхбузе цIен, Къайле гуш шовданан шовкъан. Гоьмукъах терра бу ламанан бохь, Малх гIерта цу буьххье хаа. Юха а чов йинчу зIаьнарийн мохь ХIуттур бу сан синтем баа… 1илман Юсупов __________________ Тешаме-тешаме, эсала-эсала...© ..

30.08.2008, 03:40	#1394
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	Аьхкенан тIаьххьара де Дахлохьа, аьхкенан тIаьххьара де, Ца сихлуш дIадаха гуьйренан йочане. Хин хоршах ма тарбе сацкъаран коча некъ, Серлонна, йовхонна ма тоха пе. Баьццарчу хьайн вастах ма ваккха со. Хьуо дахлуш, хьайх хьегар цхьажимма дацдехьа. Кхин цкъа а хIуттутан аз хезар дац-техьа Багарбеш сан шерийн азбелла бIо? ХIинца а марздина хетало хьо Зезагийн кортош тIехь кхиъначу дургало. Хьо лоьхуш къорзачу полларчийн сур гаро ГIайгIане делахь а, хьо нуьре до. МIаьргонийн мор буьллуш хьайн тускар чу, ТIехула хьовзалахь зезагийн аренна. Айхьа бен дийр доцург ма дита кханенна, Эсаре кховдадеш хьайн цIена хIу. Ма Iитта хеназчу шелонан ю. Мархаш а ма мустъе стигалан боганахь. Сайн дагалецамийн тоьллачу оганахь Ас хьуна йитина цхьа меттиг ю. 1илман Юсупов __________________ Тешаме-тешаме, эсала-эсала...© ..

30.08.2008, 14:49	#1395
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	* Дала шайх къинхетам бинчийн похIма ду - шен хеннахь дахарера дIаластар. Адамашлахь и кхоччуш карадирзина - поэташна, ткъа, зезагашлахь – бежIуьнан баппанашна. 1илман Юсупов** __________________ Тешаме-тешаме, эсала-эсала...© ..

30.08.2008, 14:50	#1396
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	* Ахархочун къизачу маьрсо хадо кечбинчу ялтин кенан Iадор гIенах дуьхьалтесча дуьненчу далазчу беран са набарха лен долало... 1илман Юсупов** __________________ Тешаме-тешаме, эсала-эсала...© ..

30.08.2008, 14:51	#1397
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	* * * Лайн чимийн мотт буьйцу жоп доцчу безамо, ГIайгIанах-доттагIчух и дIа-м ца къастало. Ткъа, дешнаш – лайн чимаш – сан дагна – беза мохь: Цо и ги буьллушехь, шира чов ястало… Ойлано пал тосу: «ДIахьулбан беза муо, Зезагаш тIе дуьйгIуш, чов дIа ма-йирззинехь…» Амма, мел малх хьажарх сан деган ирзене, Луо даша-м дуьтуш дац жоп доцчу безамо… 1илман Юсупов __________________ Тешаме-тешаме, эсала-эсала...© ..

30.08.2008, 14:52	#1398
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	* * * Хьан дагна гIенах гахь акхтаргийн заза, ЙогIучу бIаьстенна со вицлур вац. Цаьпцалгийн зов хир ду бацалахь хаза, Бекхна дIахIуттур бу ламанан арц. Дийцахьа суна хьайн гуьйренан гIенаш, Мел лууш вацахь а уьш тида со: Мажделла гIаш оьгуш, дассалуш генаш, Суна вайн къастаран бIарлагIа го. Хьайн Iаьнан гIенашца сан кораш кхала Хьо йола ма-елли, ас ойла йо: Ахь ша тIехь йина-те сан ирсан гIала, Я суна сайн дахар лайн басахь го? 1илман Юсупов __________________ Тешаме-тешаме, эсала-эсала...© ..

30.08.2008, 21:54	#1399
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	* Юьхь тIехь хазахетар-бIаьсте яьлла БIаьргийн-диттийн ма самалхадаьлла! Царалахь цхьа суйнаш лепа хаза - Безамо бен хьоьстуш доцу заза. Даг чу халахетар-гуьйре йоьлла, БIаьргийн дитташ цхьаллин махах доьлла. Церан меда бIаьрхиш, лаьтта оьгун, Стоьмаш бу шайх гIайгIа бен ца хьоьгу. ХIора синхаам сан хьаьвза готта-м, Лохуш шена тайнна хенан хIоттам... 1илман Юсупов** __________________ Тешаме-тешаме, эсала-эсала...© ..

30.08.2008, 21:55	#1400
цветок Зандака Честолюбивая чеченка Регистрация: 20.02.2007 Адрес: In Y.H. Сообщений: 3,996 Репутация: 9	Дагахьбаллам Ойла ца еш ас хьан сина дина халахетар ТIедазделла, балехь бу сан стихийн хIора могIа… Ма зовдаха тIера дара хьан эсалчу деган хедар Сан сихаллин моханечу дешнийн чIиркъе догIа. И дIахудуш, саьхьарбаьлла сан шеконан орам Гирий хьуна, цIубдар санна, вайн безамах бекхаш? ХIетахь чIогIа хало ларна, дагна хилла хорам ДIа ца болуш, дукъделла ду cан синтеман легаш… Ирс хиллий-цца йокъанехь а таро йолуш хьекъа, Йочанера гIо ца лоьхуш дегнийн кораш дила… Лууш ву сайн бIаьргийн стигал даим Iахар къекъа, ДогIа теран билгалонна хьан стелаIад хила!.. 1илман Юсупов __________________ Тешаме-тешаме, эсала-эсала...© ..

Опции темы
Версия для печати Отправить по электронной почте